Shimla News : फागलीसंस्कृतमहाविद्यालये, किशोरशर्मा अध्यक्षः नरेन्द्रश्च उपाध्यक्षः
हिमसंस्कृतवार्ताः,शिमला।
शिमलाया: फागलीसंस्कृतमहाविद्यालये पूर्वविद्यार्थीसङ्घस्य उपवेशनं शिमलानगरे आयोजितम्, यस्मिन् पूर्वविद्यार्थीसङ्घस्य कार्यकारिण्याः चयनं जातम्। उपप्राचार्यः डॉ. दिनेशशर्मा अवदत् यत् १९१७ तः प्रचलितस्य अस्य महाविद्यालयस्य इतिहासः गौरवपूर्णः अस्ति। अयं महाविद्यालयः महामहोपाध्यायः आचार्य दिवाकरदत्तशर्मा इत्यस्य कार्यस्थलम् अभवत्, यः अस्य राज्यस्य नाम हिमाचलम् इति कृतवान्। तस्य समर्थमार्गदर्शने अस्मिन् महाविद्यालये अनेके विद्वांसः उत्पन्नाः। अद्यत्वे अपि अयं महाविद्यालयः सर्वथा राज्यस्य मुख्यमहाविद्यालयेषु अन्यतमः अस्ति। तदनन्तरं आयोजितेषु निर्वाचनेषु कार्यकारिणीनिर्माणप्रक्रिया निर्वाचकेन सीतारामशर्मा इत्यनेन आरब्धा। यस्मिन् किशोरशर्मा, यः सूचनाप्रौद्योगिकीविशेषज्ञः अस्ति, सः अध्यक्षः चयनितः तत्रैव नरेन्द्रशर्मा सोनू च उपाध्यक्षः निर्वाचितः। शालिग्रामः कोषाध्यक्षः, डॉ. सुनीलः महासचिवः, कमलकान्तः संयुक्तसचिवः निर्वाचितः। राष्ट्रपतिपुरस्कारेण सम्मानितस्य महामहोपाध्यायः आचार्यकेशवशर्मा इत्यस्य नाम कार्यकारिण्याः संरक्षकत्वेन आदरपूर्वकं अनुमोदितम्। परामर्शकमंडले प्रसिद्धः ज्योतिर्विद् डॉ. मस्तराम शर्मा, सीताराम शर्मा, डॉ. नरेशः, पंकजः, इशिता श्यामः, परीक्षितश्च मनोनीताः। सदस्येषु धर्मप्रकाशः, रोहितः, पवनः, कपिलः, सुनीलः, अंजलिः, श्रुतिः, खेमराजः, राजेशः, विनयः इत्येतेषां चयनं जातम्।
अध्यक्षः किशोरशर्मा अवदत् यत् महाविद्यालयस्य सर्वोन्मुखविकासे अस्माकं पूर्णसहकार्यं भविष्यति इति। प्राचार्य: डॉ. मुकेशशर्मा इत्यस्य कुशलमार्गदर्शने महाविद्यालयः सर्वतोन्मुखीं प्रगतिं कुर्वन् अस्ति, अस्मिन् च पूर्वछात्रसङ्घ: सर्वथा सहायकः भविष्यति।
