HP Politics : भाजपायाः कश्चन अपि पदं राज्ये कार्यं न करिष्यति, काङ्ग्रेसः त्रीणि अपि आसनानि जेष्यति – प्रतिभासिंह
हिमसंस्कृतवार्ता: – शिमला।
हिमाचलप्रदेशस्य काङ्ग्रेसस्य अध्यक्षा प्रतिभासिंह अवदत् यत् राज्यस्य त्रिषु अपि विधानसभा- उपनिर्वाचनेषु काङ्ग्रेसः विशालबहुमतेन विजयं प्राप्नोति। हमीरपुर-देहरा-नालागढाणां मतदातार: काङ्ग्रेसपक्षे प्रवृत्ताः सन्ति, राज्ये काङ्ग्रेससर्वकारं सुदृढं कर्तुं जनाः एकीकृताः सन्ति। उपनिर्वाचनत्रयानन्तरं राज्ये काङ्ग्रेसविधायकानां संख्या ४१ भवितुं गच्छति। प्रतिभासिंह अत्र प्रसारिते वक्तव्ये उक्तवती यत् भारतीयजनतापक्षस्य कोऽपि राजनैतिकं पदं राज्ये अधुना कार्यं कर्तुं न गच्छति। सा अवदत् यत् राज्ये उपनिर्वाचनानां कृते भाजपा पूर्णतया उत्तरदायी अस्ति, अतः सा कदापि अस्मात् मुक्तः न भविष्यति। सा उक्तवती यत् पूर्वनिर्वाचिता: त्रयः विधायकाः स्वमतदातृणां विश्वासं भङ्गं कृतवन्तः यस्य कृते ते तान् निर्वाचितवन्तः। अत एव क्षेत्रस्य जनाः तान् कदापि न क्षमिष्यन्ति। एते त्रयः पूर्वविधायकाः स्वकर्मणां कृते जनानां पुरत: क्षमायाचनां कुर्वन्तु इति उक्तवती। प्रतिभासिंह दलस्य पदाधिकारिभ्य: व कार्यकर्तृभ्य: च उक्तवती यत् निर्वाचने त्रीणि दिनानि अवशिष्टाणि अतः कांग्रेसं प्रति भाजपाया: दुष्प्रचारात् मतदातृभ्य: सचेतयता दलं प्रति स्वनिष्ठा पूर्णदायित्वेन कर्तव्या अस्ति। सा उक्तवती यत् राज्ये काङ्ग्रेस-सर्वकारेण कर्मचारिभ्यः ओपीएस-पुनर्स्थापनं कृत्वा महिलाभ्यः १५०० रूप्यकाणां मानदं प्रदत्तं कृत्वा स्वस्य प्रतिज्ञा पूर्णा कृता अस्ति। सा उक्तवती यत् काङ्ग्रेसः पूर्णतया जनहिताय समर्पिता अस्ति। भाजपा मिथ्यावक्तव्यं कृत्वा जनान् भ्रामयितुम् असफलतया प्रयतते। भाजपायाः नीतिं अभिप्रायं च जनाः सम्यक् अवगताः सन्ति यत् सत्तां ग्रहीतुं राज्ये पूर्णबहुमतेन काङ्ग्रेससर्वकारस्य अस्थिरीकरणस्य प्रयासः कृतः तत् राज्यस्य लोकतन्त्रस्य जनमतस्य च अपमानः आसीत् यत् कदापि न भवितुम् अर्हति। राज्यस्य काङ्ग्रेससर्वकारः पूर्णतया सशक्तः अस्ति, तस्य कार्यकालं सफलतया सम्पन्नं भविष्यति।
