CM Sukhu : कसौलीक्षेत्रे विद्रोहिणामुपरि आक्रमणं कृतवान् मुख्यमंत्री सुखविन्दरसिंहसुक्खुः
हिमसंस्कृतवार्ता – सोलनम्। कसौलीविधानसभाक्षेत्रस्य पट्टाबरौरीस्थाने निर्वाचनसभां सम्बोधयन् मुख्यमन्त्री सुखविन्दरसिंहसुक्खुः भाजपायाः उपरि आक्षेपं कृत्वा अवदत् यत् भाजपया हिमाचलप्रदेशे अश्वव्यापारराजनीतिं प्रारभ्य राज्यस्य संस्कृतिः कलङ्किता अस्ति। सः अवदत् यत् दलद्रोहं कृत्वा राजनैतिकविपण्यां षट् काङ्ग्रेसविधायकाः विक्रीताः, अधुना अश्वव्यापारराजनीतेः पूर्णतया विरामं कर्तुं राज्यस्य मतदातॄणां दायित्वम् अस्ति। यदि अश्वव्यापारस्य राजनीतिकर्तृभ्य: इदानीं पाठ: न पाठ्यते तर्हि भविष्ये अपि सा निरन्तरं भविष्यति।
सः अवदत् यत् काङ्ग्रेसस्य धनशक्तिः नास्ति, परन्तु जनशक्तिः एव दलस्य बलम् अस्ति। लोकतन्त्रस्य उद्धाराय एतद् निर्वाचनम् अस्ति, आगामिनिर्वाचने राज्यस्य मतदातार: एकं राज्यसभासनस्य चोर्यम् कर्तर्यै भाजपायै दण्डं दास्यन्ति, चत्वारि अपि लोकसभासनानि काङ्ग्रेसपक्षाय दास्यन्ति। सः अवदत् यत् भाजपाजनाः मतक्रयणार्थं धनम् आनयिष्यन्ति। भवन्तः धनं धारयन्ति परन्तु केवलं काङ्ग्रेसपक्षस्य प्रत्याशिने मतदानं कुर्वन्ति।
मुख्यमन्त्री उक्तवान् यत् कलङ्किताः जनाः जनसञ्चारं कृत्वा जनभावनाभिः सह क्रीडन्ति। सः अवदत् यत् दलद्रोहं कृत्वा विक्रीतविधायकः एकमासपर्यन्तं राज्यात् बहिः धावति स्म, तस्य परिवारजनाः अपि तस्य विषये चिन्तिताः आसन्। यस्मिन् दिने बजटं पारितव्यम् आसीत् तस्मिन् दिने चण्डीगढतः सीआरपीएफ-संरक्षणे आगतः भाजपा-प्रदेशाध्यक्षः राजीवबिन्दलः विधानसभायाः द्वारं भग्नवान् । कलङ्किताः जनाः सभाम् आगत्य स्वस्य उपस्थितिं चिह्नितवन्तः ततः बजटे मतदानं विना पलायितवन्तः। विक्रीतविधायकाः नूतनानि वस्त्राणि सज्जीकृतवन्त: आसन् यतोहि ते मन्त्रिणः भविष्यन्ति इति चिन्तयन्ति स्म, परन्तु तेषां विधानसढासदस्यता एव निरस्तजातम्। ततः यदा कलङ्किताः विधायकाः सर्वोच्चन्यायालयस्य समीपं गतवन्तः तदा न्यायालयः अपि तान् क्षमाम् नाङ्गीकृतवान् ।
सः अवदत् यत् एकस्मिन् दिने सहसा कलङ्किताः जनाः दिल्लीं गत्वा भाजपा-ध्वजं धारयन्ति स्म। मुख्यमंत्री सुखविन्दरसिंहसुक्खुः अवदत् यत् प्रथमवारं स्वतन्त्रविधायकाः त्यागपत्रं हस्ते गृहीत्वा विरोधं कुर्वन्ति, न्यायालयं गच्छन्ति च। सः अवदत् यत् साधारणकुटुम्बस्य पुत्रः युद्धं कर्तुम् इच्छति इति कारणतः सः राजनैतिकषड्यंत्रेभ्यः न बिभेति। मुख्यमन्त्री उक्तवान् यत् तस्य युद्धं मादकद्रव्यतस्कराणां, खननतस्कराणां, भूतस्कराणां च विरुद्धम् अस्ति, सः यत्किमपि मूल्येन राज्यस्य जनानां हितस्य रक्षणं करिष्यति।
सः अवदत् यत् मुख्यमन्त्री भूत्वा जयरामठाकुरः पञ्चवर्षपर्यन्तं निद्रां कृत्वा चोराणां द्वाराणि उद्घाटितवान्। तानि पिधाय वर्तमानसर्वकारेण २२०० कोटिरूप्यकाणां अतिरिक्तं राजस्वं प्राप्तम्, राज्यस्य अर्थव्यवस्थायां विंशतिप्रतिशतम् उन्नतिः अभवत् । अधुना सार्वजनिकधनं जनसामान्यं मध्ये वितरितं भवति। महिलानां कृते १५०० रुप्यकाणां वृत्ति:, गोपालकानां कृते प्रतिमासं १२०० रूप्यकाणि, १.१५ लक्षं विधायकानाम् गृहनिर्माणार्थं ३ लक्षरूप्यकाणि, ७० वर्षाणाम् उपरि वृद्धानां निःशुल्कचिकित्सा, मनरेगा इत्यस्य दैनिकवेतने ६० रुप्यकाणां ऐतिहासिकवृद्धिः, न्यूनतमं समर्थनमूल्यं दुग्धस्य, कर्मचारिभ्यः ४ प्रतिशतं डीए, पुलिसकर्मचारिणां आहारधनस्य पञ्चगुणं वृद्धिः, राज्यसर्वकारेण एतत् सर्वं एतेन अतिरिक्तराजस्वेन कृतम्।
सः अवदत् यत् सर्वेषां कर्मचारिणां अवशिष्टांशं मुक्तं भवति तथा च वर्तमानराज्यसर्वकारेण अद्यावधि ७००० विधवाभ्यः अवशिष्टांशं पूर्णतया भुक्तं कृतम् अस्ति। राज्यसर्वकारेण प्रथमे एव मन्त्रिमण्डलसभायां पुरातनवृत्ति: पुनः स्थापिता तथा च हिमाचलभाजपानेतारः दिल्लीं गत्वा केन्द्रात् ९००० कोटिरूप्यकाणां एनपीएसं पुनः प्राप्तुं बाधाः सृजन्ति। सः अवदत् यत् वर्तमानराज्यसर्वकारेण १५ मासेषु यावत्य: योजनाः आनिताः तावत्य: योजनाः विगत ७५ वर्षेषु कदापि न आनीताः।
मुख्यमंत्री सुक्खुः अवदत् यत् आपदाकाले भाजपानेतारः राज्यस्य आपदाग्रस्तपरिवारेभ्यः पृष्ठं कृतवन्तः, अहं तु राजधर्मस्य अनुसरणं कृतवान्। सः अवदत् यत् भाजपानेतृभ्यः देहलीनगरं गत्वा आपदापीडितानां जनानां आर्थिकसाहाय्यं दातुं अनुरोधं कृतवान् परन्तु ते तत् न कृतवन्तः। आपदाग्रस्तानां जनानां पुनर्स्थापनार्थं राज्यसर्वकारेण स्वसम्पद: ४५०० कोटिरूप्यकाणां संकुलं दत्तम्। सः अवदत् यत् शिमला-सांसदः सुरेशकश्यपः आपदापीडितानां जनानां आर्थिकसहायतां दातुं एकमपि डीओ-पत्रं न लिखितवान्।
सः अवदत् यत् भवत: सांसद: आपदि भवता सह न आसीत् सांसदं पाठं पाठयितुं समयः आगतः। मुख्यमन्त्री उक्तवान् यत् लोकसभानिर्वाचने काङ्ग्रेसस्य प्रत्याशी विनोदसुल्तानपुरी विजयी भवतु, अहं स्वयं कसौली विधानसभाक्षेत्रस्य विकासं पश्यामि। सः अवदत् यत् वर्तमानराज्यसर्वकारेण निराश्रितबालानां कृते विधानं निर्माय तेषां शिक्षायाः परिचर्यायाः च व्ययः वहितः। राजस्वविधानेषु परिवर्तनं कृत्वा एकलक्षाधिकाः इंतकालः, सप्तसहस्राधिकाः च तकसीमस्य लम्बितप्रकरणाः त्रिमासेषु निराकृताः।
