देशभक्तेः गीतैः एव सीमितं न स्वातन्त्र्यदिवसस्य उत्सवः, वेषभूषया अपि मातृभूमेः प्रेम्णः सन्देशः

देशभक्तेः गीतैः एव सीमितं न स्वातन्त्र्यदिवसस्य उत्सवः, वेषभूषया अपि मातृभूमेः प्रेम्णः सन्देशः

हिमसंस्कृतवार्ता: – सोलनम्।

प्रदेशस्य सर्वेषु भागेषु स्वातन्त्र्यदिवसस्य विषये युवकेषु बालकेषु च विशेषः उत्साहः दृश्यते। स्वातन्त्र्यदिवसे अस्मिन् वर्षे केवलं तिरङ्गध्वजस्य आरोहणेन देशभक्तिगीतैश्च उत्सवः सीमितः नास्ति, अपितु जनाः स्ववेषभूषायाम् अपि देशभक्तेः वर्णं समावेशयन्ति। वर्षे २०२६ तमे स्वातन्त्र्यदिवसस्य अवसरे तिरङ्गध्वजेन प्रेरितानि परिधानानि, पारम्परिकवेषाः, तिरङ्ग-उत्तरीयम्, कङ्कणानि, हस्तबन्धाः (रिस्ट बैंड) मुखरङ्गलेपनं च जनानां प्रियाः भवन्ति। वेशभूषासम्बद्धे अधुनातने प्रवाहे अपि तिरङ्गस्य त्रयाणां वर्णानाम् एकत्र धारणस्य स्थाने एकं वर्णं प्रमुखं कृत्वा शेषवर्णान् अलङ्कारोपकरणैः समावेशयितुं प्रवृत्तिः दृश्यते। युवतीनां मध्ये श्वेतसाटिकायाः अथवा सूट-वस्त्रस्य सह केसरियवर्णस्य अथवा हरितवर्णस्य अङ्गवस्त्र-धारणस्य प्रवृत्तिः प्रिया भवति।

तिरङ्गवर्णयुक्ताः साटिकाः, लघुवस्त्रनिर्मिताः साटिकाः तथा चिकनकारी इत्यादयः पारम्परिकभारतीयवेषाः अपि स्वातन्त्र्यदिवसस्य कृते आकर्षकाः विकल्पाः मन्यन्ते। बहवः जनाः सम्पूर्णतिरङ्गवर्णस्य परिधानं न धृत्वा श्वेतकराङ्शुकस्य अथवा साटिकया सह तिरङ्गदुपट्टं, प्रतीकचिह्नं (ब्रोच) वा कङ्कणानि धृत्वा सरलतया देशभक्तेः सन्देशं दातुं सज्जाः सन्ति। करांशुक-पादांशुकाभ्यां सह नेहरू-उपरिवस्त्रस्य तिरङ्गप्रतीकस्य च संयोजनम् अपि आकर्षणस्य केन्द्रं जातम् अस्ति। बालकानां कृते तिरङ्गरिब्बन, केशबन्धः (हेयरबैंड), हस्तबन्धः तथा लघुप्रतीकयुक्तः वेषः प्रियः भवति। विद्यालयेषु आयोजितेषु स्वातन्त्र्यदिवस-कार्यक्रमेषु भगतसिंहस्य, नेताजी सुभाषचन्द्रबोसस्य, रानीलक्ष्मीबाय्याः तथा डॉ. ए.पी.जे. अब्दुलकलामस्य इत्यादीनां राष्ट्रनायकानां वेषधारणमपि अत्यन्तं लोकप्रियं भवति।

मुखरङ्गलेपनं नवम् आकर्षणम्

अस्मिन् वर्षे स्वातन्त्र्यदिवसस्य उत्सवे मुखरङ्गलेपनमपि विशेषम् आकर्षणं भवति। बालकाः युवकाश्च कपोलयोः केसरियवर्णेन, श्वेतवर्णेन हरितवर्णेन च तिरङ्गध्वजस्य चित्रं कारयन्ति। केचन जनाः त्रिवर्णेन सह अशोकचक्रस्य चित्रमपि कारयन्ति। सामाजिकमाध्यमानां युगे एषः वेषः छायाचित्राणां रील-चित्राणां च कृते अपि अत्यन्तं प्रियः भवति। स्वातन्त्र्यदिवसस्य अवसरे मुखे तिरङ्गवर्णानां लघुचित्रनिर्माणस्य प्रवृत्तिः नवीना नास्ति, किन्तु २०२६ तमे वर्षे ताम् परिधानैः अलङ्कारोपकरणैश्च सह संयोज्य सम्पूर्णदेशभक्तिपूर्णं रूपं निर्मातुं प्रवृत्तिः दृश्यते।

नखकलायां कङ्कणेषु च तिरङ्गः

महिलाः युवत्यश्च नखेषु तिरङ्ग-नखकला (नेल आर्ट) कारयित्वा केसरियवर्णस्य, श्वेतवर्णस्य हरितवर्णस्य च कङ्कणानि धृत्वा स्ववेषं पूर्णं कुर्वन्ति। केशेषु तिरङ्गरिब्बन, क्लिप तथा रबर-बैण्ड इत्यादीनि अपि प्रियाणि भवन्ति। विपण्यां उपलब्धानि लघु-तिरङ्गप्रतीकानि तथा प्रतीकचिह्नानि (ब्रोच) अपि साधारणवस्त्राणि स्वातन्त्र्यदिवसस्य वर्णैः रञ्जयितुं सरलः उपायः भवन्ति। एवं २०२६ तमस्य स्वातन्त्र्यदिवसस्य फैशन केवलं त्रिवर्णानां धारणपर्यन्तं सीमितं नास्ति, अपितु पारम्परिकभारतीयवेषैः, मुखरङ्गलेपनैः, नखकलया लघुभिः अलङ्कारोपकरणैश्च देशभक्तिं शैल्या सह संयोजयितुं अवसरः अभवत्।

सोलनस्य महिलाभिः कथितः अयं प्रवाहः

सोलनस्य महिलानां मतानुसारम् अस्मिन् वर्षे स्वातन्त्र्यदिवसे तिरङ्गसाटिका, तिरङ्गदुपट्टः, श्वेतकरांशुक-पादांशुकम्, तिरङ्गमुखरङ्गलेपनम्, तिरङ्ग-नखकला, त्रिवर्णकङ्कणानि, तिरङ्गकेशालङ्काराः, भगतसिंहस्य वेषः, सैनिकवेषः तथा भारतमातुः वेषः प्रवाहे सन्ति। महिलाः कथितवत्यः यत् १५ अगस्त-दिनाङ्के देशभक्त्या सह आकर्षकरूपेण दृश्यितुं युवानः एतान् वेषान् रुचिपूर्वकं स्वीकुर्वन्ति।