भारतं ‘महिला-नेतृत्व-विकासः’ इति मन्त्रेण सह अग्रे वर्धते-: राष्ट्रपतिः द्रौपदी मुर्मुः

भारतं ‘महिला-नेतृत्व-विकासः’ इति मन्त्रेण सह अग्रे वर्धते-: राष्ट्रपतिः द्रौपदी मुर्मुः
राष्ट्रपतिः द्रौपदी मुर्मु उक्तवती यत् भारतं ‘महिला-नेतृत्व-विकासः’ इति मन्त्रेण सह अग्रे सरति। नवदिल्ल्यां आयोजिते ‘नारी तू नारायणी – महिला-चिन्तकानां राष्ट्रिय-सम्मेलनम्’ इत्यस्य समापनसत्रे सम्बोधनं कुर्वती राष्ट्रपति-मुर्मु महोदया नारीशक्तेः प्रत्येकं पक्षम् अनुकरणीयं कर्तुम् आग्रहं कृतवती। राष्ट्रपति-मुर्मु महिलानां प्रति रूढिवादं असमानतां च दूरीकर्तुम् अपि आह्वानं कृतवती। राष्ट्रपति-मुर्मु महोदया अवदत् यत् सर्वकारः महिलानां शैक्षिक-आर्थिक-सशक्तीकरणाय अनेकानि पदानि गृह्णाति। सा समाजात् महिलानां प्रति रूढिवादं असमानतां च दूरीकर्तुम् अपि आह्वानं कृतवती। राष्ट्रपतिः उक्तवती यत् भारते महिलाः स्वरोजगारात् आरभ्य सशस्त्रबलेषु च विभिन्नक्षेत्रेषु महत्त्वपूर्णं योगदानं यच्छन्ति, क्रीडाजगति अपि नूतनान् वैश्विक-मानकान् स्थापयन्ति। सा अवदत् यत् समर्पणं, सेवा, राष्ट्रवादः, शौर्यं, धैर्यं, प्रतिभा च इत्यादिषु गुणेषु महिलाः पुरुषैः समानाः सन्ति।सा एतदपि उल्लिखितवती यत् उच्चशिक्षणसंस्थानां दीक्षान्तसमारोहेषु उत्कृष्टप्रदर्शनाय पदकं प्राप्नुवतीनां छात्राणां संख्या प्रायः छात्रेभ्यः अधिका भवति।अस्य द्विदिवसीय-सम्मेलनस्य उद्देश्यं भारते महिलानां परिवर्तमानायाः भूमिकायाः उत्सवम् आचरितुं तस्मिन् विचारं कर्तुं च आसीत्। अस्मिन् नार्याः सामाजिकभागिन्याः सकाशात् ज्ञान-नेतृत्व-करुणा-शक्ति-प्रतीकत्वं प्रति यात्रां प्रकाशितम् अस्ति।