बिहारस्य मुख्यमन्त्री नितीशकुमारः राज्यसभानिर्वाचनार्थं नामाङ्कनं कृतवान्

बिहारस्य मुख्यमन्त्री नितीशकुमारः राज्यसभानिर्वाचनार्थं नामाङ्कनं कृतवान्।
हिमसंस्कृतवार्ता: – ‌बिहारस्य मुख्यमन्त्री अथ च जे.डी.यू अध्यक्षः नितीशकुमारः राज्यसभानिर्वाचनार्थ नामाङ्कनं कृतवान्। नामाङ्कनमिदं पटनायां बिहार-विधानसभायां सचिवस्य समक्षं कृतम् । केन्द्रीय-गृह-मन्त्री अमितशाहः, भाजपेतिदलस्य राष्ट्रिय अध्यक्षः नितिन नबीनः, बिहारस्य उपमुख्यमन्त्री सम्राट् चौधरी, विजय सिन्हा इत्यादयः वयोवृद्ध-नेतारः उपस्थिताः आसन्। श्री-कुमारः पूर्वमेव अघोषयत् यत् सः आगामि राज्यसभायाः निर्वाचने भागं ग्रहीष्यति, येन बिहारस्य प्रमुखः राजनीतिको विकासो भवेत्। सामाजिकान्तर्जालीय माध्यमे श्री-कुमारः अवदत् यत् बिहार-विधानमण्डलस्य उभयसदनानां अपि च संसदः उभयसदनानां सदस्यः भवितुम् तस्य अभिलाषा आसीत् । विहारस्य जनैः सह तस्य सम्बन्धः इत्थमेव भविष्यति, नूतनसर्वकारस्य पूर्णसमर्थनं मार्गनिर्देशं च करिष्यति इति सः आश्वासितवान् ।