मण्डी जनपदे वित्तीय-अनियमिततायाः कारणात् सम्पूर्ण: पञ्चायतः निलम्बित:
हिमसंस्कृतवार्ता:- मण्डी।
हिमाचलप्रदेशे पञ्चायतानां कार्यकालसमाप्तेः केवलं चत्वारि दिनानि पूर्वं मण्डी-जनपदस्य सुधराणी पञ्चायतस्य सर्वे जनप्रतिनिधयः निलम्बिताः (Suspended) सन्ति। मण्डलपञ्चायताधिकारिणा विकासकार्येषु गभीराः अनियमितताः दृष्ट्वा एषा कार्यविधि: कृता।
निलम्बिताः जनप्रतिनिधयः
पञ्चायतप्रधानः केशवरामः, उपप्रधानः सन्तरामः, वॉर्ड-सदस्या: तेजी देवी, ऋषिः, सुषमा देवी च पदात् निष्कासिताः। अधुना पञ्चायतस्य कार्यभारः सचिवेन द्रष्टव्यः इति आदेशः दत्तः।
कार्यविधे: कारणम्:-
मिथ्याकार्यम्- सामुदायिक-पाकशालायाः निर्माणं, मार्गनिर्माणं, शौचालयनिर्माणं च केवलं पत्रेषु (on paper) एव कृतं इति दर्शितम्।
वित्तीय-अनियमितता- अन्वेषणे ज्ञातं यत् धनस्य आबंटनं (Payment) तु कृतं, परन्तु धरातले किमपि कार्यं न सञ्जातम्।
दीर्घकालीन- अन्वेषणम्- चुन्नीलाल: नामकस्य व्यक्ते उपालम्भेन आरब्धा एषा अन्वेषणप्रक्रिया सार्ध- एकवर्षं (1.5 years) यावत् प्रचलिता।
पञ्चायत-निर्वाचनम् – हिमाचले पञ्चायत- निर्वाचनस्य सिद्धता तीव्रा निर्वाचन-आयोगस्य निर्देशः
हिमसंस्कृतवार्ता:- शिमला।
हिमाचलप्रदेशे पञ्चायत- नगरीय- निकाय- निर्वाचनानां कोलाहलः वर्धितः अस्ति। पञ्चायत- प्रतिनिधिनां कार्यकालः ३१ जनवरी दिनाङ्के समाप्तं भविष्यति।
सम्प्रति निर्वाचन-आयोगेन पञ्चायत-निर्वाचनस्य सिद्धता तीव्रा कृता अस्ति। आयोगेन ३० जनवरी दिनाङ्के अन्तिम-मतदाता-सूच्याः प्रकाशनं कर्तुं उपायुक्तानां कृते निर्देशः दत्तः।
प्रपत्र- १५, १७ एतौ प्रपत्रौ मण्डलकार्यालयेषु पञ्चायतभवनेषु च स्थापयितुं अनिवार्यं कृतम्।
न्यायालयस्य आदेशः
हिमाचल-उच्चन्यायालयः राज्यसर्वकाराय ३० अप्रैल दिनाङ्कात् पूर्वं निर्वाचनं समापयितुम् आदेशं दत्तवान्।
१ फरवरी तः प्रशासकानां नियुक्तिः
पञ्चायतानां कार्यकालसमाप्तेः अनन्तरं १ फरवरीतः प्रशासकाः दायित्वं सम्भालिष्यन्ति। पञ्चायतीराजविभागेन बीडीओ (BDO), डीपीओ (DPO) अथवा पञ्चायतसचिवानां प्रशासकरूपेण नियुक्तये प्रस्तावः प्रेषितः।
प्रशासकानां नियुक्त्या सामान्यजनानां कष्टं वर्धयितुं शक्नोति। चरित्रप्रमाणपत्राणां, ‘एनओसी’ (NOC) पत्राणां, विकासकार्याणां च कृते जनानां प्रशासककार्यालयस्य पुनः पुनः भ्रमणम् आवश्यकं भविष्यति।
