मुख्यमन्त्री केन्द्रीय-पर्यावरणमन्त्रिणा सह मिलितवान्, हिमाचलस्य २९.५% वन- वृक्ष- आवरणं (Tree Cover) स्वीकर्तुम् आग्रहः
हिमसंस्कृतवार्ता:- नवदेहली।
मुख्यमन्त्री सुखविन्दरसिंहसुक्खूमहोदयः स्वीये देहलीप्रवासे नवदेहल्यां केन्द्रीय- पर्यावरण- वन- वायुपरिवर्तन- मन्त्रिणा भूपेन्द्रयादवमहोदेन सह मेलनं कृतवान्। मेलने मुख्यमन्त्रिणा राज्यस्य वास्तविकं वृक्ष-आवरणं (Tree Cover) २९.५ प्रतिशतम्, आधिकारिकरूपेण च अङ्कितं २७.९९ प्रतिशतं इत्यनयोः मध्ये विद्यमानस्य अन्तरस्य (Discrepancy) विषये सूचितम्। सः अवदत् यत् एषा विसङ्गतिः राज्यस्य वन-वृक्ष-गणनायां ‘वनात् बहिः स्थितानां वृक्षाणां’ (Trees Outside Forests- TOF) सम्मिलीकरणं न जातम् इत्यस्मात् उत्पन्ना अस्ति। राज्यसर्वकारेण निजी- भूमौ वृक्षाणां कर्तनार्थं कठोराः नियमाः कृताः सन्ति, परन्तु एतदर्थं केन्द्रसर्वकारतः किमपि प्रोत्साहनं राज्यं न प्राप्नोति।
मुख्यमन्त्रिणा निम्नलिखितबिन्दवः उपस्थापिताः
१. पारिस्थितिक-योगदानम्– अस्मिन् १.५ प्रतिशतं घटकं (TOF) हरित-आवरणे सम्मिलितं करणीयम्, येन राज्यस्य वास्तविकस्य पारिस्थितिक- वानिकी- योगदानस्य उचितं सम्मानं भवेत्।
२. हिमालयीय-पारिस्थितिकी– वनात् बहिः स्थिताः वृक्षाः हिमालयीयक्षेत्रस्य संवेदनशीलां पारिस्थितिकीं क्षरणात् (Erosion) रक्षितुं साहाय्यं कुर्वन्ति।
३. वित्त-आयोग-आबंटनम्– वित्त-आयोगेन अथवा केन्द्रसर्वकारेण क्रियमाणेषु सर्वेषु वित्तीय- आबंटटनेषु हिमाचलस्य कृते २९.५ प्रतिशतं वन-वृक्ष-आवरणं मान्यं करणीयम्।
मुख्यमन्त्री उक्तवान् यत् ट्री-कवर-घटकस्य न्यून- आकलनं हिमाचलप्रदेशस्य वास्तविक-योगदानस्य अवहेलना अस्ति। एतेन तेषां राज्याणां प्रति पक्षपातः भवति, ये वनानां संरक्षणं प्राथमिकतां यच्छन्ति। केन्द्रीयमन्त्रिणा राज्यस्य प्रयासाणां प्रशंसा कृता, सर्वविध-सहयोगस्य च आश्वासनं दत्तम्। मेलनेअस्मिन् मुख्यमन्त्रिणः प्रधानपरामर्शदाता रामसुभगसिंह: अपि उपस्थितः आसीत्।
