मुख्यमन्त्री केन्द्रीय-नागरविमानन-मन्त्रिणा सह मिलितवान्; काङ्गडा-विमानपत्तनस्य विस्ताराय विशेषानुदानस्य याचना
हिमसंस्कृतवार्ता:- कार्यालयीय: प्रतिनिधि:।
मुख्यमन्त्री सुखविन्दरसिंहसुक्खू महोदयः नवदेहल्यां केन्द्रीय-नागरविमानन-मन्त्रिणा (Civil Aviation Minister) राममोहन नायडूकिञ्जरापु महोदेन सह मेलनं कृतवान्। मेलने मुख्यमन्त्रिणा काङ्गडा-विमानपत्तनस्य विस्तारीकरणाय (Expansion) केन्द्रसर्वकारस्य सहयोगः, अस्यै परियोजनायै च ‘विशेष- केन्द्रीय- सहायता’ (Grant) दातुम् आग्रहः कृतः। सः अवदत् यत् काङ्गडाजनपदे पर्यटनस्य अपार- सम्भावनाः सन्ति, अतः अस्य विमानपत्तनस्य विस्तारः अनिवार्यः अस्ति।
मुख्यमन्त्रिणा अन्याः प्रमुखा: याचना: अपि उपस्थापिताः
>दृश्यता-मापदण्डः– (Visibility Standards): न्यूनदृश्यतायाः (Low Visibility) कालेऽपि उड्डयनं सुनिश्चितं कर्तुं ‘विजुअल फ्लाइट् रूल्स’ (VFR) इत्यस्य परिधौ न्यूनदृश्यतायाः मापदण्डं ५ किलोमीटरतः २.५ किलोमीटर पर्यन्तं कर्तुम् आग्रहः कृतः।
> सुरक्षा-व्यवस्था- कुल्लू-शिमला-विमानपत्तनयोः सुरक्षाभारं सी. आई. एस. एफ. (CISF) इत्यस्य स्थाने राज्य- आरक्षकेभ्यः (State Police) दातुं चर्चा कृता, येन राज्यस्य आर्थिकभारः न्यूनः भवेत्।
> समय-वृद्धिः- शिमला-विमानपत्तने उड्डयनस्य समयं वर्धयित्वा अपराह्णे ४:०० वादनपर्यन्तं कर्तुं अनुरोधः कृतः, येन उड्डयनानां सङ्ख्या वर्धेत।
केन्द्रीयमन्त्रिणा काङ्गडा-विमानपत्तनस्य ‘विस्तृत- परियोजना- प्रतिवेदनं’ (DPR) सज्जीकर्तुं निर्देशः दत्तः राज्यसर्वकाराय पूर्णसहयोगस्य आश्वासनं च दत्तम्।
मुख्यमंत्रिण: सुक्खो: नितिनगडकरी-महोदयेन सह मेलनम्; मार्गाय २०० कोटिरूप्यकाणां स्वीकृतिः
मुख्यमन्त्री सुक्खु: महोदयः केन्द्रीय- मार्गपरिवहन- राजमार्गमन्त्रिणा नितिनगडकरी महोदेन सह अपि मिलितवान्। अस्मिन् मेलने ‘छैला- नेरीपुल -यशवन्तनगर- ओच्छघाट’ मार्गस्य सुदृढीकरणाय २०० कोटिरूप्यकाणां सैद्धान्तिक- स्वीकृतिः दत्ता। अनेन प्रदेशस्य सेब- उत्पादक- कृषकाणां महती सहायता भविष्यति।
मुख्यमन्त्रिणा अन्ये विषयाः अपि चर्चिताः-
१. सुरङ्ग-निर्माणम् (Tunnels)- शिमला-मटौर राष्ट्रियमार्गे (NH) भौगोलिक-संवेदनशीलतां विचिन्त्य शिमलातः शालाघाट तथा भगेड़तः हमीरपुर पर्यन्तम् अधिकाधिकं सुरङ्गनिर्माणस्य आग्रहः कृतः।
२. हमीरपुर-उपमार्ग:- ‘पैकेज-४’ अन्तर्गतं चतुष्पंक्तिमार्ग-निर्माणस्य ‘डीपीआर’ (DPR) कार्ये तीव्रतायाः अनुरोधः कृतः।
३. एनएच-०३ पुनर्स्थापनम्- चीलबाहलतः पक्काभरोह- खण्डपर्यन्तं मार्गस्य पुनर्स्थापनार्थं ३८.३७ कोटिरूप्यकाणां याचना कृता, या केन्द्रीयमन्त्रिणा स्वीकृता।
