HP PANCHAYAT ELECTION – पंचायतनिर्वाचनस्य सज्जतायै त्वरिता, क्रमसूची- आदि औपचारिकता: सम्पन्नां कर्तुं कथितम्
हिमसंस्कृतवार्ता:- शिमला।
हिमाचलप्रदेश- राज्यनिर्वाचन- आयोगः, राज्यसर्वकारः पंचायतीराजसंस्थानां निर्वाचनं कर्तुं तत्परः अस्ति। मंगलवासरे राज्यनिर्वाचन- आयुक्तस्य कार्यालये आयोजितायां सभायां अधिकारिभ्यः निर्देशः दत्तः यत् ते २८ फरवरीतः पूर्वं निर्वाचनसम्बद्धा: सर्वा: औपचारिकता: सम्पन्नां कुर्वन्तु। विधानसभाबजटस्य तिथौ अपि आयोगस्य दृष्टिः वर्तते। यदि फरवरीमासस्य अन्ते यावत् सत्रस्य समाप्तिः भवति तर्हि तदनन्तरं पंचायतक्षेत्राणाम् आचारसंहिता घोषितुं शक्यते। आयोगेन पंचायतीराजविभागाय अपि निर्देशः दत्तः यत् सः नवपञ्चायतानां कृते यत्किमपि पुनर्सङ्घटनं पुनर्सीमाकरणं च २८ फरवरीतः पूर्वं सम्पन्नं करोतु। येषु पंचायतेषु पुनर्सङ्घटनं पुनर्सीमाकरणं च कर्तव्यं तत्र विहाय अन्यपञ्चायतानां कृते निर्मितानां मतदातासूचीनां मुद्रणम् अधुना सम्पन्नं कर्तुं शक्यते। उच्चन्यायालयेन हिमाचलस्य पंचायतीराजसंस्थानां निर्वाचनं ३० अप्रैलतः पूर्वं करणीयम् इति निर्देशः दत्तः। उच्चन्यायालये प्रतिक्रियायाः सज्जीकरणाय एषा महत्त्वपूर्णा सभा आयोजिता आसीत्।
पंचायतनिर्वाचने ५६ लक्षमतदातारः मतदानं करिष्यन्ति
सर्वकारीयाधिकारिभिः सह मेलनात् पूर्वं राज्यनिर्वाचन- आयोगस्य अधिकारिभिः, कर्मचारिभिः च सह समागमः अभवत्। अस्मिन् सत्रे आयोगस्य आयुक्तः अनिलखाची निर्वाचनस्य सज्जतायाः समीक्षां कृतवान्। पंचायतनिर्वाचने ५६ लक्षमतदातारः मतदानं करिष्यन्ति इति उक्तम्। परीक्षायाः समाप्तेः अनन्तरं विद्यालयेषु मतदानकेन्द्राणि स्थापितानि भविष्यन्ति। प्रत्येकं वार्डं प्रति २० मतदातासूचिकाः प्रेषिताः भविष्यन्ति। आयोगेन पूर्वमेव त्रिकोटिमतपत्राणि मुद्रितानि सन्ति। मतदातासूचिकाः जिला- उपायुक्तानां समीपे सन्ति। मुद्रणस्य निविदा प्रदत्ता अस्ति। हिमाचले पंचायतनिर्वाचनार्थं २२,००० मतदानकक्षाः स्थापिताः भविष्यन्ति। प्रायः ३५,००० कर्मचारिण: कार्यरताः भविष्यन्ति ।
