मारीशस्-देशस्य राष्ट्रियदिवसस्य समारोहे मुख्यातिथिरूपेण भागं गृहीतवान् प्रधानमन्त्री मोदी

मारीशस्-देशस्य राष्ट्रियदिवसस्य समारोहे मुख्यातिथिरूपेण भागं गृहीतवान् प्रधानमन्त्री मोदी
हिमसंस्कृतवार्ताः। प्रधानमन्त्री श्रीनरेन्द्रमोदी मॉरीशस्-देशस्य चैम्प-डी-मार्स इत्यत्र आयोजिते मारीशस्-देशस्य राष्ट्रियदिवसस्य समारोहे मुख्यातिथिरूपेण भागं गृहीतवान्। समारोहावधौ, मॉरिशस्-देशस्य राष्ट्रपतिः धरमबीर-गोखुलः भारत-मॉरिशस्-सहभागितायां श्रीमोदिनः उत्कृष्ट-योगदानाय तस्मै ग्रैण्ड-कमाण्डर्-आफ्-द-आर्डर्-आफ्-द-स्टार् तथा च की-आफु-द-इण्डियन्-ओशन् इत्येताभ्याम् उपाधिभ्यां सम्मानितवान्। प्रधानमन्त्री मोदी प्रथमः भारतीयः अस्ति, यः मॉरिशस्-देशस्य सर्वोच्च नागरिकपुरस्कारं प्राप्तवान्। मॉरिशस्-देशस्य राष्ट्रिय-दिवसोत्सवस्य पथसञ्चलने भारतीय-नौसेनायाः दलमेकमपि भागम् अगृह्णात्। प्रधानमन्त्रिणा नरेन्द्रमोदिना स्वीय द्विदिवसीयाधिकारिकयात्रायाः अन्तर्गतं मारिशस्-देशस्य प्रधानमन्त्रिणा नवीन-रामगुलामेन सह प्रतिनिधिस्तरीय वार्ता कृता। यात्रायाः द्वितीये दिवसे भारत-मारीशस्-देशयोः मध्ये अनेकेषु सन्धिपत्रेषु हस्ताक्षराणि कृतानि। उपवेशनावधौ स्थानीय-मुद्रा-समाधान-व्यवस्था, ऋण-सौविध्य-सन्धयः, राजनयिकेभ्यः प्रशिक्षण-कार्यक्रमः, श्वेत-नौवहन-सूचना-आदानप्रदानम्, वित्तीयापराधानां प्रतिरोधः, सूक्ष्मलघु-मध्यमोद्योग-क्षेत्रे सहयोगः, सुशासनार्थं सार्वजनिका-धिकारिणां प्रशिक्षणम् इत्यादिषु सम्बद्धविषयेषु अष्ट Mou इति सन्धि-ज्ञापन-पत्राणां तथा च सन्धीनां आदानप्रदानं सञ्जातम्। एकस्मिन् संयुक्त-वार्ताहर-सम्मेलने स्वीय वक्तव्ये, प्रधानमन्त्री भारतस्य क्षेत्रीय-कार्यनीतौ मारिशस्-देशस्य महत्त्वं प्रकाशितवान्, यस्मिन् वैश्विक दक्षिणक्षेत्रे, हिन्दमहासागरे, अफ्रीका महाद्वीपे च मॉरिशस्-देशस्य महत्त्वपूर्ण-भूमिकायै बलं प्रदत्तवान्। अस्मिन् अवसरे, असौ क्षेत्रीयस्थिरतां समृद्धिं च प्रति भारतस्य प्रतिबद्धतायाः विषये अवदत्। सः अवदत् यत् उभौ देशौ न केवलं हिन्दमहासागरेण अपितु परम्परया संस्कृत्या च सम्बद्धौ स्तः। एकस्य नूतनोपक्रमस्य अनावरणं कुर्वन्, श्रीमोदी अघोषयत् यत्, “वैश्विक-दक्षिणाय अस्माकं दृष्टिः भविष्यति महासागरसुरक्षा, तथा च सर्वेषु क्षेत्रेषु विकासाय परस्पर-समग्र-प्रगतिः”। अस्य अन्तर्गतं विकासाय व्यापारः, सततविकासाय क्षमता-निर्माणम्, सहभागि भविष्याय परस्पर-सुरक्षाः च सम्मिलिताः भविष्यन्ति। घोषणैषा मॉरिशस् देशेन सह भारतस्य दीर्घकालीन-सम्बन्धाय, क्षेत्रीयसहयोगाय विकासाय च व्यापकदृष्टेः पुष्टि करोति । प्रधानमन्त्री श्रीनरेन्द्रमोदी अवदत् यत् भारत-मारिशस्-देशाभ्यां स्वसहभागित्वम् उन्नत-रणनीतिक-सहभागि-स्तरं प्रति वर्धयितुं निर्णयः कृतः। सामाजिक सञ्चार-पटले एकस्मिन् सन्देशे प्रधानमन्त्रिणा कथितं यत् मॉरिशस्-देशस्य राष्ट्रिय-दिवसस्य विशेषावसरे मॉरिशस्-देशस्य स्वीय समकक्षीयेन नवीनचन्द्र-रामगुलामेन सह मेलनस्य अवसरः प्राप्तः। श्रीमोदी अवदत् यत् उपवेशने उभयपक्षाभ्यां भारत-मॉरिशस्-सम्बन्धानां सम्पूर्णविषयेषु चर्चा जाता। असौ अवदत् यत् आधारभूत-संरचना, आवासः, आङ्किकीय-प्रौद्योगिकी, स्वास्थ्यम् च इत्यादिषु क्षेत्रेषु सहयोगस्य मार्गाणाम् अन्वेषणं जातम्। मॉरिशस्-देशस्य सर्वोच्चं राष्ट्रियपुरस्कारं प्राप्ते सति प्रधानमन्त्री आभारं प्रकटितवान्। असौ एनं पुरस्कारं भारतस्य चत्वारिंशदधिकैकशत-कोटिजनानां कृते, उभयदेशयोः मध्ये युगानुयुगे मैत्रीं प्रति च समर्पितवान्।
प्रधानमन्त्रिणा दण्डीमार्च इत्यस्मिन् भागं गृहीतेभ्यः सर्वेभ्यः महाजनेभ्यः श्रद्धाञ्जलिः समर्पिता
प्रधानमन्त्रिणा नरेन्द्रमोदिना ऐतिहासिक-दण्डीमार्च इत्यस्मिन् भागं गृहीतेभ्यः सर्वेभ्यः महाजनेभ्यः श्रद्धाञ्जलिः समर्पिता। एकस्मिन् सामाजिकान्तर्जालीय-सन्देशे श्रीमोदी अवदत् यत् महात्मगान्धिनः नेतृत्वे यात्रया आत्मनिर्भरतायाः स्वातन्त्र्यस्य च कृते राष्ट्रव्यापि-आन्दोलनस्य अग्निः प्रज्वलितम्। प्रधानमन्त्रिणा उक्तं यत् दाण्डी-यात्रान्दोलने भागं गृहीतानां सर्वेषां साहस-त्यागयोः, सत्याहिंसयोः च प्रतिबद्धता जनान् निरन्तरं प्रेरयन्ति ।