KKSU Ramtek : विश्वस्य विभिन्नसंस्कृतौ मानवकल्याणस्य विचारः महत्त्वपूर्णः अस्ति – प्रो. यशवंतपाठक:
हिमसंस्कृतवार्ता: – रामटेकम्।
कविकुलगुरुकालिदाससंस्कृत- विश्वविद्यालय:, अन्ताराष्ट्रीय- सांस्कृतिकाध्ययनकेन्द्रम् इत्यस्य आश्रयेण शुक्रवासरे विशेषव्याख्यानस्य आयोजनं कृतम्। अस्य विशेषव्याख्यानस्य आयोजनं विश्वविद्यालयस्य अन्ताराष्ट्रीयकार्यकेन्द्रेण कृतम्। कुलपति: प्रो. हरेरामत्रिपाठी व्याख्यानकार्यक्रमस्य अध्यक्षता अकरोत्। अमेरिकादेशस्य दक्षिणफ्लोरिडा- विश्वविद्यालयस्य अन्ताराष्ट्रीय- सांस्कृतिकाध्ययनकेन्द्रस्य संस्थापकः प्राध्यापकः यशवन्तपाठकः मुख्यवक्ता आसीत्। रामटेकपरिसरस्य निदेशक प्रो. हरेकृष्ण अगस्ती, वित्त-लेखाधिकारी प्रो. कविता होले अन्ताराष्ट्रीय- सांस्कृतिक- अध्ययनकेन्द्रस्य राष्ट्रीयसमन्वयक: संदीप: कविश्वर:, व्याख्यानकार्यक्रमस्य समन्वयक: अन्ताराष्ट्रीयकार्याणां केन्द्रस्य निदेशकः च आचार्य: प्रसादगोखले विशेषतया उपस्थितः आसीत्। दीपप्रज्वलनेन कार्यक्रमस्य आरम्भः अभवत्। अन्ताराष्ट्रीयकार्याणां केन्द्रस्य निदेशकः प्राध्यापक: प्रसाद गोखलेः प्रास्ताविकं कृतवान्। विश्वसंस्कृतेः वैश्विकचिन्तनस्य च अवगमनाय एतत् व्याख्यानम् आयोजितम् इति उक्तवान्। अस्मिन् अवसरे अन्ताराष्ट्रीय- सांस्कृतिक- अध्ययनकेन्द्रस्य राष्ट्रियसमन्वयकः संदीप कविश्वरः स्वस्य इच्छां प्रकटितवान् यत् अन्ताराष्ट्रीय- सांस्कृतिक- अध्ययनकेन्द्रस्य पाठ्यक्रमाः विश्वविद्यालयेन एव सज्जीकृत्य कार्यान्विताः भवेयुः।
Nurturing the Roots – World Scenario अर्थात् मूलानां पोषणम्– विश्व परिदृश्यम्, अस्मिन् विषये प्रो. पाठकः व्याख्यानं दत्तवान् यत् शोधप्रयोजनार्थं विश्वस्य परिभ्रमणस्य अनुभवः विभिन्नदेशानां संस्कृतिं परम्परां च अवगन्तुम् उपयोगी भवति। पाठकः अवदत् यत् सम्पूर्णस्य विश्वस्य संस्कृतिः केवलं मानवकल्याणस्य विषये एव चिन्तयति। अस्माकं भारतीयसंस्कृतेः काश्चन् रीति- परम्पराभि: च सह विश्वस्य केषाञ्चन संस्कृतिनां सादृश्यम् आश्चर्यं जनयति। संस्कृत- विश्वविद्यालयस्य छात्राः न केवलं संस्कृतभाषायां प्रवीणाः भूत्वा विश्वस्य शीर्षशतविश्वविद्यालयेषु अध्यापनं कुर्वन्तु अपि तु विदेशेषु जनान् संस्कृतं पाठयितुं अपि गन्तव्याः। मम विश्वासः अस्ति यत् आगामिषु १० वर्षेषु कालिदास- संस्कृत- विश्वविद्यालयस्य छात्राः भारतस्य विदेशेषु च विश्वविद्यालयेषु प्राध्यापकपदे नियुक्ताः भविष्यन्ति। अस्माभिः संस्कृतिः, परम्पराः, विज्ञानं, तथैव शोधं च पाठयितुम् अस्माकं भारतीयमानकानि सज्जीक्रियन्ते। पाठकः अस्माकं पद्धत्या मानकानुसारं विदेशीयछात्रेभ्यः अस्माकं विज्ञानं पाठयेत् इति बोधयति स्म।
अध्यक्षीये सम्बोधने कुलपति प्रो. हरेराम त्रिपाठी इत्यनेन उक्तं यत् यशवन्तपाठक: अस्माकं मार्गदर्शनं कृत्वा आश्वासनं दत्तवान् यत् वयं द्वाभ्यां विश्वविद्यालयाभ्यां सह मिलित्वा विविधाः पाठ्यक्रमाः परियोजनाश्च कार्यान्वितुं प्रतिबद्धाः स्मः। एमओयू मार्गेण पाठ्यक्रमाः संचालिताः भविष्यन्ति। भारतीयसंस्कृतेः, तस्याः समृद्धधरोहराणां, वैज्ञानिकपरम्परायाः च वैश्विकमञ्चे नेतुम् छात्राः शिक्षकाः च उत्तमं कार्यं कुर्वन्तु इति सः बोधयति स्म। भारतस्य सांस्कृतिकसम्पदः अस्माकं गौरवः अस्ति, अस्माकं गौरवः अस्माकं कार्येषु, वचनेषु च प्रतिबिम्बितः भवेत्।
