जाह्नवी, खुशी च पश्चात् भगिनी शनाया कपूरः अपि बॉलीवुड-नायिका भविष्यति
वार्ताहर: – जगदीशडाभी (मुम्बई)
बॉलीवुडाभिनेत्री जाह्नवी कपूरः २०१८ तमे वर्षे धडक इति चलच्चित्रेण बॉलीवुडक्षेत्रे पदार्पणं कृतवती । अस्य चलच्चित्रस्य अनन्तरम् अधुना यावत् जाह्नवी अनेकानि चलच्चित्राणि कृतवती अस्ति । केवलं कतिपयेषु वर्षेषु जाह्नवी बॉलीवुडजगत: शीर्ष-नायिका-सूचौ सम्मिलितवती अस्ति । जाह्नवी इत्यस्याः पदार्पणानन्तरं तस्याः अनुजाभगिनी खुशी कपूरः अपि गतवर्षे बॉलीवुडक्षेत्रे पदार्पणं कृतवती ।
खुशी कपूर: ‘द अर्चीज’ इति चलच्चित्रेण बॉलीवुडक्षेत्रे पदार्पणं कृतवती । अतीव शीघ्रमेव खुशी आमिरखानस्य पुत्रेण जुनैदखानेन सह एकस्मिन् चलच्चित्रे दृश्यते। खुशी अपि अतीव शीघ्रमेव बॉलीवुडजगत: शीर्ष-नायिका-सूचौ सम्मिलितुं शक्नोति । अधुना एषा वार्ता आगच्छति यत् जाह्नवी-खुशी-पश्चात् तस्याः भगिनी शनाया कपूरः अपि नायिका भवितुं गच्छति।
शनाया संजयकपूरस्य पुत्री अस्ति । अद्यकाले शनाया स्वस्य प्रथमचलच्चित्रस्य चित्रोतलनं कुर्वती अस्ति। ‘आंखों की गुस्ताखियां’ इति चलच्चित्रेण शनाया बॉलीवुडक्षेत्रे पदार्पणं करिष्यति । अस्मिन् नायिकायाः भूमिकायां शनाया: दृश्यते । विक्रान्त मैसी इत्यस्य चलच्चित्रे नायकस्य भूमिकायां दृश्यते। चलच्चित्रे विक्रान्तः अन्धसङ्गीतकारस्य भूमिकायां दृश्यते, शनाया तु नाट्यकलाकारस्य भूमिकायां दृश्यते । अद्यकाले विक्रान्तस्य शनायाया: च अस्य चलच्चित्रस्य चित्रोतलनं देहरादूननगरे प्रचलति । प्राप्तसमाचारानुसारं शनाया पूर्वं करणजोहरस्य बेधडक इति चलच्चित्रेण पदार्पणं कर्तुं गच्छति स्म । परन्तु केनचित् कारणेन एतत् चलच्चित्रं स्थगितम् । अधुना च शनाया ‘आंखों की गुस्ताखियां’ इति चलच्चित्रेण पदार्पणं कर्तुं गच्छति।
