६ वर्षाणां परं ‘शिपकी-ला’-गिरिद्वारेण पुनः आरप्स्यते भारत-चीन-सीमा-व्यापारः
हिमसंस्कृतवार्ता: — रिकांग पिओ।
किन्नौर-मण्डलस्य शिपकी-ला-गिरिद्वारस्य (दर्रे के) माध्यमेन भारत-चीनयोः मध्ये भवितव्यः सीमा-व्यापारः १ अगस्त-दिनाङ्कात् पुनः आरब्धुं गच्छति। २०१९ तमे वर्षे कोविड-१९ महामारी-काले स्थगितः एषः व्यापारः प्रायः ६ वर्षाणां दीर्घान्तरालात् परं पुनः पुनर्स्थापित: भवन् अस्ति। उपायुक्त: किन्नौर डॉ. अमितकुमारशर्मा ज्ञापितवान् यत् २०२६ तमस्य अस्य व्यापारिक-ऋतोः (Season) कृते सर्वाः आवश्यकाः सज्जता: पूर्णाः संजाताः। व्यापाराणां ‘ट्रेड-पास’ (Trade Pass) सम्बद्धा सुरक्षा-स्वीकृतिः पूर्ववृत्त-सत्यापनस्य प्रक्रिया च सम्पन्ना अभवत्।
उपायुक्त-महोदयेन प्रोक्तं यत् प्रथमे चक्रे (दौर में) प्रायः १५ तः १७ व्यापारिणाम् सीमा-पारं गमनस्य सम्भावना अस्ति। प्रसारितेन दिशानिर्देशानुसारम्, चीन-देशस्य सीमायां प्रवेशं कुर्वद्भिः व्यापारीभिः ७२ होराभ्यन्तरे प्रत्यावर्तनम् अनिवार्यं भविष्यति। २.५८ कोटि-रूप्यकाणां व्ययेन निर्मितस्य अस्य ‘ट्रेडमार्ट’ (Trade Mart) इत्यस्य औपचारिकम् उद्घाटनं मन्त्रिमण्डल-मन्त्रिणा जगतसिंहनेगी-महोदयेन करिष्यते। अस्मात् आधुनिकात् ‘ट्रेडमार्ट’-माध्यमेन स्थानीय-व्यापारिभ्यः व्यापारे महती सुविधा लप्स्यते। विदेश-व्यापार-महानिदेशालयस्य वाणिज्य-सीमा-शुल्क-मन्त्रालयस्य च सूच्याः अनुसारं आहत्य ३६ भारतीय-वस्तूनि चीन-देशं प्रति निर्यातुं शक्ष्यन्ते, यदा च चीन-देशस्य पक्षतः २० वस्तूनि भारतीय-विपण्याम् (बाजार में) आगन्तुं शक्ष्यन्ति।
तेन कथितं यत् क्षेत्रे ‘सङ्गरोध-केन्द्रम्’ (Quarantine Centre) इत्यस्य स्थापना न भवतः कारणेन अस्मिन् ऋतौ ‘जीवित-पशूनाम् (लाइव-एनिमल्स) व्यापारः न भवितुं शक्ष्यति। ‘वाइब्रैंट-विलेज-स्कीम’ इत्यस्य अन्तर्गतं ‘क्वारंटीन-सैंटर’ इत्यस्य प्रस्तावः प्रेषितः अस्ति। एतद् केन्द्रम् सिद्धे सति अस्मात् मार्गात् पशूनां व्यापारः अपि सम्भवः भवितुं शक्ष्यति। उपायुक्त: डॉ. अमितकुमारशर्मा आशाम् अकरोत् यत् २०२६ तमस्य ऋतोः एषः व्यापारः न केवलं स्थानीय-व्यापारिभ्यः अत्यधिकं लाभदायकः सिद्धः भविष्यति, अपितु किन्नौरस्य अर्थनीतेः समग्र-अर्थव्यवस्थायाः च कृते अपि नूतनां शक्तिं प्रदास्यति।
