जयरामठाकुरस्य सुक्खू-सर्वकारस्य उपरि प्रहारः, ‘नियुक्ति; एवं सेवा शर्ताः’ नियमे सर्वोच्च-न्यायालयस्य निर्णयस्य कृतं स्वागतम्
हिमसंस्कृतवार्ता: – शिमला।
नियुक्ति: एवं सेवा शर्ताः नियमः-२०२४ इति आदाय सर्वोच्च-न्यायालयस्य निर्णयात् परं प्रतिपक्षनेता पूर्वमुख्यमन्त्री च जयरामठाकुरः प्रदेशसर्वकारस्य उपरि तीक्ष्णम् आक्रमणम् अकरोत्। शिमलातः प्रसारिते वक्तव्ये तेन उक्तं यत् सर्वोच्च-न्यायालयस्य पक्षतः राज्यसर्वकारस्य विशेष-अनुमति-याचिकायाः (SLP) निरसनं सुक्खू-सर्वकारस्य “असंवैधानिक-नीतेः” उपरि कठोरम् उत्तरम् अस्ति।
जयरामठाकुरेण प्रोक्तं यत् इतः पूर्वं हिमाचलप्रदेश-उच्चन्यायालयः अपि एतं नियमं निरस्तवान् आसीत्। एतस्य निर्णये सत्यपि राज्यसर्वकारेण सर्वोच्च-न्यायालये आह्वानं (चुनौती) दत्तम्, परन्तु तत्रापि तस्मै कापि साहाय्यता न प्राप्ता। तेन कथितं यत् सर्वकारः कर्मचारिणां हितैषी इति पक्षं करोति, यदा च तस्य निर्णयाः कर्मचारिणाम् अधिकारान् प्रभावितान् कुर्वन्तः सन्ति।
तेन आरोपः कृतः यत् सर्वकारेण ‘भर्ती एवं सेवा शर्ताः’ नियमम् आनीय कर्मचारिणां वरिष्ठतायाः आर्थिक-लाभानां च सम्बद्धानि उत्तरदायित्वाणि भविष्यस्य सर्वकारेषु स्थापयितुं प्रयासः कृतः। भाजपा-दलेन विधानसभायाम् अपि अस्य विधेयकस्य विरोधः कृतः आसीत् एतत् असंवैधानिकम् इति प्रोक्तम् आसीत्।
सर्वकारस्य अन्येषु निर्णयेषु अपि उत्थापिताः प्रश्नाः
प्रतिपक्षनेत्रा कथितं यत् एषः प्रथमः अवसरः नास्ति यदा राज्यसर्वकारस्य कस्यापि निर्णयस्य उपरि न्यायालयेन आपत्तिः प्रकटीकृता स्यात्। तेन पक्ष: कृतः यत् इतः पूर्वं विद्रोही-विधायकानां (बागी) पेंशन-सम्बद्धेषु नियमेषु, जल-आयोगे (Water Commission), मुख्य-संसदीय-सचिवस्य (CPS) नियुक्तिषु, विद्युत्-दरेषु पञ्चायत-निर्वाचनेषु च सम्बद्धेषु प्रकरणेषु अपि सर्वकाराय न्यायालयेषु प्रत्याघात: प्राप्तः। तेन आरोपः कृतः यत् एतेषां प्रकरणानां विधि-युद्धे सर्वकारीय-धनस्य व्यापकः उपयोगः अभवत्।
सर्वस्मिन् विषये भाजपा-दलाय दोष-प्रदानं मुख्यमन्त्रिणः अभ्यासः’
जयरामठाकुरेण मुख्यमन्त्रिणं सुखविन्दरसिंहसुक्खू-महोदयं प्रति लक्ष्यं कुर्वता कथितं यत् सर्वकारः स्वस्य प्रत्येकं विफलतायै भाजपा-दलं उत्तरदायिनं विधातुं प्रयासम् करोति। तेन प्रोक्तं यत् मुख्यमन्त्रिणः सम्पत्तिम् आदाय सम्मुखम् आगता सूचना कस्यापि स्वतन्त्र-संस्थया सार्वजनिक-विवरणानाम् आधारेण निर्मिता आसीत् तस्याः च भाजपा-दलेन सह कश्चिद् सम्बन्धः नास्ति।
परीक्षा-नियम-संशोधन-विधेयकस्य कृतं स्वागतम्
लोकसभायां सार्वजनिक-परीक्षा (अनुचित-साधनानां निवारणम्) संशोधन-विधेयकम्-२०२६ पारितस्य स्वागतं कुर्वन् जयरामठाकुरेण प्रोक्तं यत् एतत् पदं परीक्षाप्रणाल्यां पारदर्शितां निष्पक्षतां च सुदृढां करिष्यति। तेन कथितं यत् अनेन प्रश्नपत्र-प्रकटन (पेपर लीक) सदृशीनां घटनानां रोधने यूनाम् भविष्यस्य सुरक्षायां च साहाय्यं लप्स्यते। तेन अस्यै पहिल्यै प्रधानमन्त्रिणे नरेन्द्रमोदिने केन्द्रसर्वकाराय च वर्धापनानि दत्तानि।
