लोकसभानिर्वाचनम् – लोकसभानिर्वाचनस्य षष्ठ-सप्तचरणयोः प्रचाराभियानं द्रुतगत्या प्रवर्तते
लोकसभानिर्वाचनस्य षष्ठ-सप्त-चरणयोः प्रचाराभियानं द्रुतगत्या प्रवर्तते। उत्तरप्रदेशे विभिन्नदलानां प्रचारकाः प्रचाराभियाने रताः सन्ति। प्रधानमन्त्री नरेन्द्रमोदी अद्य उत्तरप्रदेशस्य बस्ती-जनपदे एकं राजनीतिक-जनसभां समबोधयत्। प्रधानमन्त्री प्रोक्तवान् यत् भाजपा-दलेन पञ्च-निर्वाचनचरणेषु एव बहुमतं समर्जितम्। उत्तरप्रदेशस्य मुख्यमन्त्री योगी आदित्यनाथः जौनपुर-बस्ती-जनपदयोः प्रचारं कृतवान्। सः सुल्तानपुर, सिद्धार्थनगर, बलरामपुर जनपदेषु अपि जनसभाः सम्बोधयिष्यति। लोकसभानिर्वाचनस्य सप्तमे चरणे अष्टराज्याणां केन्द्रशासितप्रदेशानां च चतुरधिक- नवशतं प्रत्याशिनः निर्वाचनद्वन्द्वे भागं भजिष्यन्ति। निर्वाचन आयोगः प्रोक्तवान् यत् सप्तपञ्चाशत्- लोकसभा- निर्वाचनासनेषु पञ्चोत्तरैकशताधिक-द्विसहस्रं प्रत्याशिनः नामाङ्कनं कृतवन्तः। अन्वीक्षणानन्तरं चतुरधिक-नवशतं नामाङ्कनपत्राणि वैधानि प्राप्तानि। सप्तमचरणाय जूनस्य प्रथमदिनाङ्के मतदानं भविष्यति। पञ्जाबे सर्वाधिकानि अष्टनवत्युत्तर-पञ्चशतानि नामाङ्कनपत्राणि प्राप्तानि। इतः परं उत्तरप्रदेशस्य त्रयोदश- निर्वाचनासनेषु पञ्चनवत्युत्तर-पञ्चशतं नामाङ्कनपत्राणि प्राप्तानि। निर्वाचनस्य अस्मिन् अन्तिमचरणे उत्तर-प्रदेशपञ्जाबयोः त्रयोदश-त्रयोदश, पश्चिमबङ्गालस्य नव, बिहारस्य अष्ट, ओडिशायाः षट्, हिमाचलस्य चत्वारि, झारखण्डस्य त्रीणि, केन्द्रशासित- प्रदेशस्य चण्डीगढस्य एकं च निर्वाचनासनेषु मतदानं भविष्यति। मतगणना जूनमासस्य चतुर्थदिनाङ्के भविष्यति।
निर्वाचनायोगः- प्रमुखप्रचारका: एतादृशं वक्तव्यं न दद्युः येन आदर्श-आचार संहितायाः उल्लङ्घनं स्यात् निर्वाचनायोगेन निर्देश: प्रदत्त:
हिमसंस्कृतवार्ता – नवदेहली।
निर्वाचनायोगेन भारतीय जनता पार्टीति दलस्य अध्यक्षः जे.पी. नड्डा इत्यस्मै, कांग्रेस्-अध्यक्षः मल्लिकार्जुन- खरगे इत्यस्मै च निर्देशः प्रदत्तः यत् तौ दलस्य प्रमुख-प्रचारकेभ्यः एकां सञ्चेतनां प्रकाशयेत् यत् ते एतादृशं वक्तव्यं न दद्युः येन आदर्श-आचार संहितायाः उल्लङ्घनं स्यात् । द्वाभ्याम् अध्यक्षाभ्यां प्रेषिते पत्रे, आयोगः प्रोक्तवान् यत् किमपि दलं केऽपि प्रत्याशिनः च एतादृशं भाषणं दद्यात् येन समाजे मतभेदं जायेत् सांप्रदायिकता च प्रवर्धेत्।
प्रधानमन्त्री मोदी बृहत्तम-खाद्य-वितरक-तन्त्रांशस्य संस्थापकः दीपिन्दर-गोयलः इत्यस्य प्रशंसाम् अकरोत्
प्रधानमन्त्री नरेन्द्रमोदी भारतस्य एकस्य बृहत्तम-खाद्य-वितरक-तन्त्रांशस्य संस्थापकः दीपिन्दर-गोयलः इत्यस्य प्रशंसाम् अकरोत्। श्री गोयलस्य सार्वजनिक-संदेश-पटले एकं सन्देशं प्रसारयन् प्रधानमन्त्री अवदत् यत् परिश्रमः महतीं ऊर्ध्वतां प्रति नेतुं शक्नोति । सः अवदत् यत् श्री गोयलस्य जीवनयात्रा असंख्य-युवकान् उद्यमशीलतायाः स्वप्नं साकारं कर्तुं प्रेरयति। सः अवदत् यत् स्टार्टअप-संस्थानां समृद्ध्यर्थं अनुकूलं वातावरणं प्रदातुं सर्वकारः प्रतिबद्धः अस्ति ।
सर्वोच्चन्यायालयः धनशोधन-प्रकरणे नियमित-अस्थायी-विमोचन-याचिका प्रख्यापनम् अधिकृत्य तथ्यानां निगूढने आपत्तिं प्रकटितवान्
सर्वोच्चन्यायालयेन धनशोधन-प्रकरणे नियमित-अस्थायी-विमोचन-याचिका-प्रख्यापनम् अधिकृत्य तथ्यानां निगूढने आपत्तिः प्रकटितः अनन्तरं हेमन्तसोरेनः इत्यनेन प्रवर्तननिदेशालयस्य निगडनं विरुध्य प्रख्यापिता याचना प्रत्यावर्तिता ।
देहल्यां लोकसभायाः सर्वेषु सप्तनिर्वाचनासनेषु विजयम् अधिगमिष्यते – हरदीपसिंहपुरी
भाजपा-दलस्य वरिष्ठनेता केन्द्रियमन्त्री च हरदीपसिंहपुरी अद्य प्रोक्तवान् यत् तस्य दलं दिल्ल्यां लोकसभायाः सर्वेषु सप्तनिर्वाचनासनेषु विजयम् अधिगमिष्यति । नवदिल्ल्यां सम्वाददातृभिः सह जाते सम्वादे सः प्रोक्तवान् यत् भाजपा-दलेन राजधान्यां विगतेषु दश-वर्षेषु चतुर्पञ्चाशत्-सहस्र-कोटि-रूप्यकाणां विकास कार्याणि कृतानि सन्ति । आम आदमी पार्टीति दलस्य कार्यशैलीं विरुध्य अकथयन् श्रीपुरी प्रोक्तवान् यत् अनेन दलेन दिल्ल्याम् आयुष्मान-भारतयोजना-प्रधानमन्त्रीआवासयोजना इति द्वयोः क्रियान्वयनं न कृतम् अपरत्र दिल्ल्याः मुख्यमन्त्रिणा स्वस्मै विलास-वैभव-सम्पन्नं भवनं निर्मितम् ।
पाकिस्तानाधिकृत-कश्मीरः भारतेन सह अस्ति, भारतेन सह भविष्यति, भारतं पुनरेतं स्वस्वामित्वम् आनेष्यति- अमितशाहः
पश्चिम बंगालस्य घातलक्षेत्रे अद्य जनसभां सम्बोधयन् भारतीयजनतापार्टीति दलस्य वरिष्ठनेता केन्द्रियमन्त्री च, अमितशाहः प्रोक्तवान् यत् पाकिस्तानाधिकृत-कश्मीरः भारतेन सह अस्ति, भारतेन सह भविष्यति, भारतं पुनरेतं स्वस्वामित्वम् आनेष्यति च । श्रीशाहः प्रोक्तवान् यत् पश्चिम बंगालस्य तृणमूल-सर्वकारेण जनाः विकासवञ्चिताः कृताः सन्ति। सः प्रोक्तवान् यत् संदेशखालीक्षेत्रस्य घटनया महिलानाम् आत्मसम्मानं घातितम् अस्ति । इतः पूर्वं श्रीशाहेन कांथीक्षेत्रे जनसभा कृता आसीत्। सः पुरुलिया-बांकुरा-लोकसभा-क्षेत्रयोः द्वे जनसभे सम्बोधयिष्यतः ।
