मोदीसर्वकारेण हिमाचलस्य विकासाय प्रदत्ता उड्डयन-क्षमता, प्रदेशे प्रचलति ‘सूटकेस-सर्वकारः’ – सञ्जयटण्डनः
हिमसंस्कृतवार्ता: — धर्मशाला ।
भारतीयजनतापक्षस्य (भाजपा) प्रदेश-सहप्रभारिणा सञ्जयटण्डनेन सोमवारवासरे ‘पण्डित दीनदयाल उपाध्याय प्रशिक्षण महाअभियान’ इत्यस्य अन्तर्गतं पालमपुर-जालन्धर-धर्मशालामण्डलस्य प्रशिक्षणवर्गे मुख्यतिथिरूपेण भागः गृहीतः। अस्मिन् अवसरे भाजपाप्रदेशोपाध्यक्षः हिमाचलप्रदेशविधानसभायाः पूर्वतन्-अध्यक्षः विपिनसिंहपरमारः विशेषरूपेण उपस्थितः आसीत्। स्वकीये सम्बोधने सञ्जयटण्डनेन कथितं यत् प्रधानमन्त्रिणः नरेन्द्रमोदिनः नेतृत्त्वे केन्द्रसर्वकारेण हिमाचलप्रदेशस्य, विशेषतः काङ्गड़ा-संसदीयक्षेत्रस्य सर्वाङ्गीणविकासाय अभूतपूर्वः सहयोगः प्रदत्तः अस्ति। तेन प्रोक्तं यत् केन्द्रसर्वकारेण हिमाचलाय विकास-स्वास्थ्य-मार्ग-शिक्षा-आधारभूतसंरचनानां क्षेत्रेषु ऐतिहासिकाः उपहाराः दत्ताः, परन्तु वर्तमान-काङ्ग्रेससर्वकारः एतेषां संसाधनानां प्रभावी-उपयोगं कर्तुं पूर्णतया विफलः संजातः।
तेन प्रतिपादितं यत् प्रधानमन्त्रिणः नरेन्द्रमोदिनः नेतृत्त्वे हिमाचलप्रदेशाय एम्स (AIIMS) बिलासपुरं, मेडिकल डिवाइस पार्क, हाइड्रो इंजीनियरिंग कॉलेज, राष्ट्रियमार्गाणाम् विस्तारं समेताः सहस्रशः कोटिरूप्यकाणां विकासपरियोजनाः समर्पिताः सन्ति। यत्रैव सद्यः एव केन्द्रसर्वकारेण हिमाचलप्रदेशाय ३,९२० कोटिरूप्यकाणां केन्द्रीयसहायता अपि उपलब्धं कारिता। एतदतिरिच्य ‘प्रधानमंत्री ग्राम सडक़ योजना’ इत्यस्याः अन्तर्गतं वर्ष २०२५-२६ मध्ये प्रदेशाय २,२४७ कोटिरूप्यकाणां व्ययेन २९४ मार्गपरियोजनाः स्वीकृताः, यासु केन्द्रसर्वकारस्य प्रायः २,०१९ कोटिरूप्यकाणां योगदानं वर्तते।
सञ्जयटण्डनेन कथितं यत् केन्द्रसर्वकारेण प्राकृतिकविपदाम् अवसरेष्वपि हिमाचलप्रदेशाय सर्वविधं साहाय्यं प्रदत्तम्। प्रधानमन्त्रिणा नरेन्द्रमोदिना स्वयं प्रदेशस्य भ्रमणं कृत्वा साहाय्य-पुनर्वासकार्येभ्यः १,५०० कोटिरूप्यकाणां विशेष-साहाय्य-प्रदत्तस्य (पैकेज) घोषणा कृता तथा च राष्ट्रियमार्गाणां, प्रधानमंत्री आवासयोजनायाः, एसडीआरएफ (SDRF) इत्यस्य कृषकाणां च कृते अतिरिक्तसाहाय्यं प्रदातुं निर्णयः विहितः।
तेन आरोपः कृतः यत् प्रदेशसर्वकारः केन्द्रात् प्राप्तायाः धनराशेः समुचितम् उपयोगं कर्तुं विफलः जातः, येन कारणेन विकासकार्याणि प्रभावितानि सन्ति। तेन उक्तं यत् काङ्ग्रेससर्वकारः केवलं घोषणासु प्रचारं यावत् एव सीमितः अस्ति, यत्रैव धरातले (भूमितले) जनतायै अपेक्षितः लाभः न प्राप्यते।
सञ्जयटण्डनेन प्रतिपादितं यत् हिमाचलप्रदेशे भ्रष्टाचारः चरमे वर्तते अद्य च प्रदेशे एकः भ्रष्टः सर्वकारः प्रचलति, यं जनता ‘सूटकेस-सर्वकारः’ इति नाम्ना ज्ञातुम् आरब्धवती अस्ति। तेन कथितं यत् काङ्ग्रेसस्य एव नेतारः सार्वजनिकरूपेण अयम् आरोपं कुर्वन्ति यत् प्रदेशसर्वकारः प्रत्येकस्मिन् मासे पञ्च सूटकेस-पेटिकाः पूरयित्वा देहलीं प्रेषयति। यदा स्वयं काङ्ग्रेसस्य नेतारः स्वसर्वकारस्य उपरि एतादृशान् गम्भीरारोपान् उत्थापयन्ति, तदा प्रदेशस्य जनता अवगन्तुं शक्नोति यत् सर्वकारस्य कार्यप्रणाली कीदृशी वर्तते।
तेन उक्तं यत् भारतीयजनतापक्षः कार्यकर्तृ-आधारितं सङ्घटनं वर्तते तथा च पण्डितदीनदयालस्य ‘अन्त्योदय’ विचारं नीत्वा समाजस्य अन्तिमव्यक्तिं यावत् प्राप्तुं कटिबद्धः अस्ति। प्रशिक्षणवर्गाणाम् उद्देश्यं कार्यकर्तॄन् वैचारिकरूपेण सशक्तं विधातुं, सङ्घटनात्मकक्षमतायाः विकासं कर्तुं जनसेवायै च भूयः प्रभावीकरणं वर्तते। अस्मिन् अवसरे भाजपायाः अनेके वरिष्ठाधिकारिणः, जनप्रतिनिधयः, प्रशिक्षणवर्गस्य कार्यकर्ताराश्च उपस्थिताः आसन्।
