लोकसभा-निर्वाचनम् : नवप्रदेशाध्यक्षस्य नेतृत्वे हिमाचले लोकसभानिर्वाचनं स्पर्धयितुं काङ्ग्रेसस्य सज्जता
हिमसंस्कृतवार्ता- कार्यालयीय: प्रतिनिधि:।
हिमाचलप्रदेशे काङ्ग्रेसेन नूतनाध्यक्षस्य नेतृत्वे लोकसभानिर्वाचनं प्रतिस्पर्धयितुं सज्जता आरब्धा। राज्ये प्रचलति राजनैतिक-अशान्ति-मध्ये स्थितिं सामान्यीकर्तुं आगताः दलस्य पर्यवेक्षकाः डी.के.शिवकुमारः भूपेन्द्र-हुड्डा च मण्डी-संसदीयक्षेत्रात् वर्तमानप्रदेशाध्यक्षा प्रतिभासिंहां निर्वाचनं कृत्वा नूतनाध्यक्षस्य नियुक्ते: पक्षे स्तः। शीर्षनेतृत्वाय प्रस्तूयमाणे प्रतिवेदने कर्नाटकस्य उपमुख्यमन्त्री डी.के.शिवकुमारः, हरियाणाया: पूर्वमुख्यमन्त्री भूपेन्द्र-हुड्डा च शीघ्रमेव अस्मिन् विषये परिवर्तनस्य अनुशंसाम् अकरोत्। एतादृशी परिस्थितौ लोकसभानिर्वाचनपर्यन्तं राज्ये अस्थायीरूपेण नूतनाध्यक्षस्य नियुक्तेः विषये अनुमानाः तीव्राः अभवन् ।
विधानसभानिर्वाचनात् पूर्वं काङ्ग्रेसपक्षेण प्रदेशाध्यक्षा प्रतिभासिंहद्वारा चत्वारः कार्यरताः अध्यक्षाः नियुक्ताः आसन् । कार्यवाहकप्रदेशाध्यक्षाः कृतौ हर्षमहाजनः पवनकाजलः च काङ्ग्रेसं त्यक्त्वा भाजपायां सम्मिलितौ। राजेन्द्र राणा अपि कार्यवाहकाध्यक्षपदात् त्यागपत्रं दत्तवान् अस्ति। विधानसभायाः उपध्यक्षत्वस्य कारणात् विनयकुमारः तकनीकीरूपेण कार्यकारिणीसभापतिपदे कार्यं न करोति। एतादृशे सति नूतनाध्यक्षस्यनियुक्तेः मार्गः काङ्ग्रेसस्य कृते सुलभः न भविष्यति।
अस्मिन् राजनैतिकसंकटकाले सर्वकारस्य सपङ्घटनस्य च मध्ये उत्तमं समन्वयं निर्मातुं समर्थं नेतारं नेतृत्वं दातुं चर्चा वर्तते। सूत्रेषु उक्तं यत् दलस्य एकस्य पूर्वाध्यक्षस्य पुनः प्रभारं दातुं विचारः आरब्धः अस्ति। सर्वान् समूहान् एकत्र आनेतुं सक्षमनेतु: अन्वेष्टुं कार्यं प्रचलति। अपरपक्षे पर्यवेक्षकैः अपि स्वप्रतिवेदने उक्तं यत् आगामिदिनेषु समन्वयसमित्याः घोषणा करणीयम्, त्रयाणां सदस्यानां नामानि शीघ्रमेव घोषितानि भवेयुः। समित्यां मुख्यमन्त्री, उपमुख्यमन्त्री, राज्यकाङ्ग्रेसस्य अध्यक्षं च नियुक्तुं पूर्वमेव घोषितम् अस्ति।
कांगड़ा, शिमला व हमीरपुर इत्येतेभ्य: सशक्तप्रत्याशिण: अन्वेषणम्
काङ्गड़ा-शिमला-हमीरपुरं-संसदीय निर्वाचनक्षेत्रेभ्यः काङ्ग्रेसः सशक्तं प्रत्याशीं इच्छति। हमीरपुरे काङ्ग्रेसपक्षः क्रमशः अष्टसु निर्वाचनेषु पराजित: अस्ति। १९९६ तमे वर्षे विक्रमसिंहः निर्वाचने विजयं प्राप्तवान् ततः परं काङ्ग्रेसः एतत् आसनं न प्राप्तवान् । अस्मिन् समये अपि सम्भवति यत् काङ्ग्रेसस्य केन्द्रीयमन्त्री अनुरागठाकुरेण सह स्पर्धा भविष्यति। मुख्यमन्त्री सुक्खु: उपमुख्यमन्त्री मुकेश-अग्निहोत्री इत्येतयोः गृहसंसदीयनिर्वाचनक्षेत्रे दलस्य विश्वसनीयतां रक्षितुं काङ्ग्रेसस्य सशक्तस्य प्रत्याशिन: उपरि विश्वास: करणीयः भविष्यति। विगतत्रिषु निर्वाचनेषु भाजपा शिमला-काङ्गड़ा-संसदीयासनेषु विजयं प्राप्नोति। एतानि संसदीयासनानि जेतुम् अपि काङ्ग्रेसः अभ्यर्थिनः अन्वेष्यति।
