राजकीय-उच्च-विद्यालय-धारस्य छात्रः अभिनवराणा देशे विद्यालयस्य नाम उज्ज्वलीकृतवान्

राजकीय-उच्च-विद्यालय-धारस्य छात्रः अभिनवराणा देशे विद्यालयस्य नाम उज्ज्वलीकृतवान्
हिमसंस्कृतवार्ता: – सिरमौर: ।
राजकीय-उच्च-विद्यालय-धारस्य दशमकक्षायाः मेधावी छात्रः अभिनवराणा ‘हिमसंस्कृतम् (न्यासः)’ संस्थायाः ‘हिमसंस्कृतवार्ता’ इति दैनिक-ई-संस्कृत-समाचारपत्र-प्रकल्पेन आयोजितायाम् अखिलभारतीय-संस्कृतगीत-प्रतियोगितायाम् (२७ अगस्त २०२६ तः ०७ सितम्बर २०२६ पर्यन्तम्) द्वितीयं स्थानं प्राप्य विद्यालयस्य समग्रक्षेत्रस्य च गौरवम् अवर्धयत्। इयं प्रतियोगिता संस्कृतसप्ताहस्य शुभावसरे ऑनलाइनमाध्यमेन आयोजिता आसीत्। छात्रस्य अस्याम् अभूतपूर्वायाम् सफलतायाम् विद्यालयस्य प्रभारी ईश्वरचन्द्रराणा, संस्कृताध्यापकः राजेन्द्रसिंहठाकुरः, हिन्दी-अध्यापकः सुभाषशर्मा, टीजीटी (नॉन-मेडिकल) अध्यापकः सुनीलकुमारः, टीजीटी (आर्ट्स) अध्यापकः कँवरराणा, टीजीटी (आर्ट्स) अध्यापिका रामरत्तीदेवी, कला-अध्यापिका सीमाशर्मा, आईटीसी-अध्यापिका रीनादेवी तथा च प्राथमिकविद्यालयस्य सर्वे अध्यापकाः अभिनवराणा इत्यस्य पितरौ वर्धापनं समर्पितवन्तः, छात्रस्य उज्ज्वल-भविष्याय शुभाशयाः च प्रकटितवन्तः। विद्यालयस्य प्रभारी ईश्वरचन्द्रः उक्तवान् यत् इयं राष्ट्रियस्तरीया प्रतियोगिता आसीत्, यस्याम् अभिनवराणा द्वितीयं स्थानं प्राप्तवान्। एतत् विद्यालयस्य कृते अतीव गौरवस्य विषयः अस्ति। संस्कृताध्यापकः राजेन्द्रसिंहः अवदत् यत् अनेन छात्रेण समग्रे भारते द्वितीयं स्थानं प्राप्य एतत् सिद्धं कृतं यत् परिश्रमेण निष्ठया च वयं स्वलक्ष्यं प्रति अग्रसराः भूत्वा सफलतां प्राप्तुं शक्नुमः। अभिनवराणा अस्यां प्रतियोगितायां भागं गृहीत्वा समग्रस्य क्षेत्रस्य नाम उज्ज्वलीकृतवान्। अनेन सह एव अस्य विद्यालयस्य अन्ये प्रतिभागी-छात्रे वंशिकाराणा अवनीराणा च अपि विद्यालयप्रशासनेन सम्मानिते। अभिनवराणा इत्यस्य पिता बलदेवराणा उक्तवान् यत् अस्याः सफलतायाः श्रेयः छात्रस्य कठोरपरिश्रमाय तथा च संस्कृताध्यापकस्य कुशलमार्गदर्शनाय गच्छति। विद्यालयप्रभारी ईश्वरचन्द्रः छात्राणां प्रतिभायै प्रोत्साहनार्थम् अस्याः प्रतियोगितायाः आयोजनकृते ‘हिमसंस्कृतम् न्यास’-प्रकल्पस्य संयोजकसमित्याः कृते अपि कार्तज्ञ्यं (धन्यवादम्) व्यक्तम् अकरोत्। छात्रप्रोत्साहनस्य अस्मिन् मङ्गलावसरे प्राथमिकविद्यालयस्य प्रभारी टीकारामशर्मा, जेबीटी-अध्यापकः श्यामसिंहठाकुरः, चतुर्थश्रेणीकर्मचारिणौ भावसिंहराणा, सुमित्राराणा च उपस्थिताः आसन्।