हिमाचल – विधानसभा बजटसत्रम् : 14 फरवरीतः आरभ्यते हिमाचल- विधानसभाया: आय-व्ययकं सत्रम्, अधिसूचना निर्गता
हिमसंस्कृतवार्ता- शिमला।
चतुर्दशतमाया: हिमाचलप्रदेशविधानसभायाः बजटसत्रं १४ फरवरीतः भविष्यति। अस्मिन् विषये प्रदेशराजभवनेन बुधवासरे अधिसूचना प्रसारिता अस्ति। एतत् चतुर्दशसभायाः पञ्चमं सत्रं भविष्यति। राज्यपालस्य अनुमोदनानन्तरं सत्रस्य तिथिः प्रकाशिता अस्ति। मुख्यमन्त्री सुखविन्दरसिंह सुखुः १७ फरवरी दिनाङ्के आय-व्ययकं प्रस्तोस्यति। विधानसभाया: सत्रम् २९ फरवरीपर्यन्तं भविष्यति। चतुर्दशसभायाः एतत् पञ्चमं अधिवेशनम् इति उल्लेखनीयम् ।
यूनां वंचितवर्गाणां च विषये भविष्यति सर्वकारस्य ध्यानम्
हिमाचलप्रदेशस्य मुख्यमन्त्रिण: सुखविन्दरसिंहसुक्खो: वित्तमन्त्रीरूपेण द्वितीयं बजटं भविष्यति।२०२३ तमे वर्षे पूर्वं सः स्वस्य बजटं हरितबजटरूपेण प्रस्तुतवान् आसीत्। अस्मिन् वर्षे देशे लोकसभानिर्वाचनमपि भवति। एतादृशी परिस्थितौ सर्वकारः बजट्-मध्ये एतादृशा: घोषणा: कर्तुं प्रयतते, यस्य प्रत्यक्षः प्रभावः राज्यस्य जनानाम् उपरि भविष्यति । मुख्यमन्त्री सुखविन्दरसिंहसुक्खुः पूर्वमेव अनेका: नवीनयोजना: बजटे आनयितुं चर्चां कृतवान् अस्ति।
राज्यपालस्य सम्बोधनेन भविष्यति बजटसत्रस्य आरम्भः
राज्यपालस्य शिवप्रतापशुक्लस्य सम्बोधनेन हिमाचलप्रदेशविधानसभायाः बजटसत्रस्य आरम्भः भविष्यति। राज्यपालस्य सम्बोधनं १४ फरवरी दिनाङ्के अपराह्णे १२:३० वादने भविष्यति। तदनन्तरं शोकसंवेदना ततः विधायिकाकार्यं आरभ्यते। हिमाचलप्रदेशविधानसभायाः बजटसत्रस्य विस्तृतविवरणं अधुना प्रतीक्षितमस्ति। हिमाचलप्रदेशसर्वकारस्य एतत् बजटं समाजस्य अन्तिमवर्गं यूनः च आकर्षयिष्यति इति विश्वासः अस्ति। एतदतिरिक्तं अस्मिन् बजटे अपि अर्जनसम्पदां वर्धयितुं सर्वकारः आह्वानस्य सम्मुखीकरणं कर्तुं गच्छति।
