‘बिग बॉस इति कार्यक्रमे भागं गृहीतवान् यूट्यूबर-मृदुलतिवारी अद्यापि बॉलिवुड-चलच्चित्रजगति अवसरं न प्राप्तवान्, यद्यपि एल्विशयादवः स्वकीयं प्रथमं चलच्चित्रं (डेब्यू) कर्तुं गच्छन् अस्ति।
वार्ताहर: – जगदीश डाभी (मुम्बई)
(हिमसंस्कृतवार्ता:) एल्विशयादवः मृदुलतिवारी च भारतस्य सर्वप्रियेषु यूट्यूबर-जनेषु अन्यतमौ स्तः। उभौ अपि सुदीर्घकालात् यूट्यूब-मञ्चे राज्यं कुरुतः। द्वाभ्याम् अपि “बिग बॉस” इति कार्यक्रमे भागः गृहीतः आसीत्। ‘बिग बॉस’ कार्यक्रमस्य अवधौ उभौ अपि अतीव चर्चायां आस्ताम्। तथापि, एतासां चर्चानां विशेषः लाभः मृदुलतिवारिणे न अलभत्।
बिग बॉस इति कार्यक्रमस्य अवधौ मृदुलतिवारी अतीव चर्चासु आसीत्, किन्तु तदनन्तरं सः प्रायः लुप्तः एव अभवत्। अधुना सः केवलं स्वकीये यूट्यूब-वाहिन्याः (चैनल) दृश्यश्रव्यपुटेषु (वीडियो) एव दृश्यते। सामाजिक-माध्यमेषु (सोशल मीडिया) अपि जनाः अधुना तस्य विषयः पूर्ववत् न चर्चयन्ति। अपरपक्षे, सः मनोरञ्जन-उद्योगे अपि विशेषं साफल्यं प्राप्तुं न अशक्नोत्। तस्मै नवीनानाम् प्रकल्पानाम् अवसराः अपि न लभ्यन्ते। बॉलिवुड-चलच्चित्रजगतः अपि तस्मै अद्यापि कश्चन महान् अवसरः न प्राप्तः। द्वितीयपक्षे तु, एल्विशयादवः ‘बिग बॉस’ इति कार्यक्रमे भागं गृहीत्वा महारथितायाः (स्टार-पदस्य) दिशि निरन्तरम् अग्रे सरति।
‘बिग बॉस’ कार्यक्रमानन्तरम् एल्विशयादवः निरन्तरं कार्यं प्राप्नोति। सः अद्यावधि बहुषु कार्यक्रमेषु (शोज़) जाल-श्रृङ्खलासु (वेब सीरीज़) च दृश्यमानः अभवत्। अधुना तस्मै बॉलिवुड-चलच्चित्रस्य अपि प्रस्तावः (ऑफर) लब्धः। एल्विशः टाइगर-श्रॉफ-महोदयेन सह बृहत्-पटले (बड़े पर्दे पर) पट-विभाजनं (स्क्रीन शेयर) कर्तुं गच्छन् अस्ति। सः एकायाः महत्याः क्रीडा-प्रधान-चलच्चित्रस्य (एक्शन फिल्म) अङ्गं भवितुम् जातः।
#elvishyadav #mridultiwari
