दशमे दिने थलपति-विजयस्य ‘जन नायकन्’ इति चलच्चित्रस्य अर्जने तीव्रवृद्धिः, चलच्चित्रमिदं ७.८० कोटिरूप्यकाणि अर्जितवत्

दशमे दिने थलपति-विजयस्य ‘जन नायकन्’ इति चलच्चित्रस्य अर्जने तीव्रवृद्धिः, चलच्चित्रमिदं ७.८० कोटिरूप्यकाणि अर्जितवत्

वार्ताहर: – जगदीश डाभी

(हिमसंस्कृतवार्ता:, मुम्बई)

        ‘जन नायकन्’ इति थलपति-विजयस्य अन्तिमं चलच्चित्रम् अस्ति। अधुना तस्य कृते चलच्चित्रेषु कार्यकरणं प्रायः असम्भवम् अस्ति, यतो हि सः मुख्यमन्त्री अभवत्। ‘जन नायकन्’ विजयस्य अन्तिमं चलच्चित्रम् अस्ति इति कारणेन एषा आशा आसीत् यत् एतत् पेटिकाकार्यालयीयसङ्ग्रहे (Box Office) ५००-६०० कोटिरूप्यकाणां अर्जनं करिष्यति, किन्तु तथा नाभवत्। तथापि चलच्चित्रस्य प्रदर्शनं मन्दमपि नासीत्। मुक्तात् (Release) पूर्वं पटलात् प्रकटीकृते (Leak) सति अपि एतेन शोभनम् अर्जनं कृतम्।

          थलपति-विजयस्य ‘जन नायकन्’ इति चलच्चित्रं जुलाई-मासस्य त्रयोविंशतितमे दिनाङ्के चलच्चित्रगृहेषु प्रदर्शितम् अभवत्। चलच्चित्रस्य प्रदर्शनात् दश दिनानि व्यतीतानि। प्रारम्भिकदिनेषु एतेन प्रबला प्रायः सुदृढा वा आयप्राप्तिः कृता, किन्तु गतेषु कतिपयदिनेषु अस्य अर्जने अपचयः (ह्रासः) दृष्टः। चलच्चित्रस्य दैनिकी आयः ४ कोटिरूप्यकेभ्यः अपि न्यूनताम् अगच्छत्। तथापि दशमे दिने अस्य अर्जने तीव्रवृद्धिः अभवत्। वृत्तविवेचनानुसारं (Report) दशमे दिने चलच्चित्रेण ७.८० कोटिरूप्यकाणां सङ्ग्रहः कृतः। एतेन सह एव देशीयपेटिकाकार्यालयीयसङ्ग्रहे (Domestic Box Office) अस्य चलच्चित्रस्य आहत्य (कुल) अर्जनं १६४.९० कोटिरूप्यकाणि सञ्जातम्।

#thalapathyvijay #JanaNayaga