राहुलगान्धी सदनस्य गरिमां पातयित्वा देशं भ्रामयितुं राजनीतिं करोति – अनुरागठाकुर:
हिमसंस्कृतवार्ता: — हमीरपुरम्।
संसत्-परिसरे माध्यमैः (Media) सह सम्भाषणं कुर्वन् सांसदः अनुरागसिंहठाकुरः काङ्ग्रेस-नेतारं राहुलगान्धी-महोदयं प्रति आरोपम् अकरोत् यत् राहुलगान्धी निरन्तरं सदनस्य गरिमायाः संसदीय-नियमानां च अवहेलनां कृत्वा असंसदीय-भाषायाः प्रयोगं करोति तथा च तथ्यैः विना आरोपान् आरोप्य देशं भ्रामयितुं प्रयासम् करोति। तेन उक्तं यत् राहुलगान्धी सदनस्य दुरुपयोगं विधातुं निराधार-आरोपाय च देशस्य युवभ्यः केन्द्रीय-गृह-मन्त्रिणे च सार्वजनिक-रूपेण क्षमा-याचनां कुर्यात्। यदि राहुलगान्धी कस्यापि छात्रस्य कृते मूढः (इडियट) सदृशस्य शब्दस्य प्रयोगं कृतवान्, तर्हि एतत् देशस्य यूनाम् अपमानम् अस्ति अस्य कृते तेन सर्वप्रथमं देशस्य युवभ्यः क्षमा याचितव्या।
तेन कथितं यत् यदि राहुलगान्धी एषः शब्दः स्वस्य कृते प्रयुक्तवान् अस्ति, तर्हि अस्मिन् तस्य कापि आपत्तिः नास्ति, अपितु एतत् आत्मबोधस्य सङ्केतः अस्ति यत् तेन स्वयं स्वस्य वास्तविका स्थितिः स्वीकृता। तेन प्रोक्तं यत् अद्यापि तेन सदनस्य दुरुपयोगं कृत्वा जनतां भ्रामयितुं प्रयासः कृतः, यस्य कृते तेन सदने केन्द्रीय-गृह-मन्त्रिणे अपि क्षमा याचितव्या।
