रामजन्मभूमि-मन्दिर-समर्पणराशि-चौर्ये नवीन-एसआईटी-गठनम्, सर्वोच्चन्यायालयः स्थितिप्रतिवेदनम् अयाचत
अयोध्यायां रामजन्मभूमि-मन्दिर-न्यासेन (ट्रस्ट) प्राप्तस्य समर्पणधनस्य चौर्यप्रकरणे सोमवासरे सर्वोच्चन्यायालयस्य (सुप्रीम कोर्ट) समक्षम् उत्तरप्रदेशसर्वकारस्य पक्षं उपस्थापयन् सॉलिसिटर जनरल तुषार मेहता अवदत् यत् प्रकरणस्य पारदर्शिशोधनाय (निष्पक्षजांच) पुनः नूतना एसआईटी (विशेषतपासदलम्) गठिता अस्ति। सर्वोच्चन्यायालयस्य पूर्वनिर्देशानां अनुपालनं कुर्वद्भिः अस्याः नूतनायाः एसआईटी-संस्थायाः कमानम् वरिष्ठेभ्यः अधिकारिभ्यः समर्पितम्। लखनऊ-क्षेत्रस्य आरक्षि-महानिरीक्षकः (आईजी) किरण एस अस्याः एसआईटी-संस्थायाः प्रमुखः नियुक्तः अस्ति। त्रिपाठिके (त्रिस्तरीय) एसआईटी-दले आईजी-किरण एस महोदयात् अतिरिच्य द्वौ अपरौ वरिष्ठौ आईपीएस-अधिकारिणौ सम्मिलितौ स्तः। एतयोः अयोध्या-क्षेत्रस्य उप-आरक्षि-महानिरीक्षकः (डीआईजी) सोमेन वर्मा, अयोध्यायाः वरिष्ठ-आरक्षि-अधीक्षकः (एसएसपी) गौरव ग्रोवर च शामिलौ स्तः।
प्रधानन्यायाधीशः सूर्यकान्तः, न्यायाधीशः जॉयमाल्य बागची, न्यायाधीशः वी मोहना च एतेषां पीठेन अस्मिन् अन्तरे परामर्शः दत्तः यत् वित्तीय-अनियमितानाम् अन्वेषणाय अस्मिन् दले कश्चन सनदी-लेखाकारः (चार्टर्ड अकाउंटेंट) अपि सम्मिलितः भवेत्। न्यायालयस्य एतस्मिन् परामर्शे सॉलिसिटर जनरल तुषार मेहता सहमतिं प्रकटितवान्, न्यायालयं च आश्वस्तवान् यत् एसआईटी-दले एकः सनदी-लेखाकारः अपि नियोजिष्यते।
न्यायालयः अन्वेषणस्य स्थितिप्रतिवेदनं (स्टेटस रिपोर्ट) उपस्थापयितुम् निर्देशम् अयच्छत्। विचारणाकाले याचिकाकर्तुः अधिवक्त्रा न्यायालये याचना कृता यत् राममन्दिर-न्यासेन प्राप्ताः सर्वाः रसीद-पत्र्यः क्षेत्रवारं जालपुटे (वेबसाइट) सार्वजनिकीक्रियेरन्, येन सामान्याः जनाः अस्याः सर्वां सूचनां प्राप्नुयुः। सः अवदत् यत् एषा काचित् विरोधात्मका याचिका नास्ति, अपि तु पारदर्शितायै आवश्यकी अस्ति। याचिकाकर्तॄणां पक्षतः वरिष्ठ-अधिवक्ता देवदत्त कामतः अवदत् यत् सम्पूर्णदेशात् जनाः शतम्, पञ्चशतम्, सहस्रं वा रूप्यकाणि ददति। तेषां विवरणमपि न्यासस्य जालपुटे भवेत्। अत्र सॉलिसिटर जनरल तुषार मेहता याचिकाकर्तुः अस्य परामर्शस्य विरोधम् अकरोत्, अवदत् च यत् अस्मिन् संवेदनशीले प्रकरणे विना कारणं खळभळः (सनसनी) न उत्पादनीयः।
सम्प्रति सर्वोच्चन्यायालयेन उत्तरप्रदेशसर्वकारेण गणितायाम् एसआईटी-संस्थायां नियुक्ताः त्रयः आईपीएस-अधिकारिणः अभिलेखेषु (रिकॉर्ड पर) गृहीताः। सहैव न्यायेन स्वकीय-आदेशे उक्तं यत् अग्रिमायां विचारणायां अस्मिन् प्रकरणे एसआईटी स्वकीय-अन्वेषणस्य स्थितिप्रतिवेदनम् उपस्थापयिष्यति। अस्य प्रकरणस्य अग्रिमा विचारणा अधुना सप्ताहद्वयानन्तरं भविष्यति।
