होर्मुज-जलसन्धि-सङ्कटम्-: नाटो-पक्षतः सहायतायै ट्रम्प-महोदयस्य आह्वानं ब्रिटेन-जर्मनी-देशाभ्यां प्रत्याख्यातम्

होर्मुज-जलसन्धि-सङ्कटम्-: नाटो-पक्षतः सहायतायै ट्रम्प-महोदयस्य आह्वानं ब्रिटेन-जर्मनी-देशाभ्यां प्रत्याख्यातम्
वाशिंगटन/लन्दन/बर्लिन-: पश्चिम-एशिया-क्षेत्रे प्रवर्धमानस्य युद्धस्य मध्ये, अमेरिका-राष्ट्रपतिना डोनाल्ड-ट्रम्प-महोदयेन नाटो (NATO) सदस्यदेशाः होर्मुज-जलडमरूमध्यं पुनः उद्घाटयितुं साहाय्यार्थं आहूताः। किन्तु ब्रिटेन-जर्मनी-देशाभ्यां एतत् आह्वानं निरस्तं कृतम्। उभयदेशाभ्यां स्पष्टीकृतं यत् एषः नाटो-संस्थायाः कश्चन नियतः कार्यभारः (Mission) नास्ति।
होर्मुज-जलसन्धिः खाडी-क्षेत्रस्य एकः महत्त्वपूर्णः सामुद्रिक-परिवहन-मार्गः अस्ति। ईरान-देशेन सङ्घर्षकाले अमेरिकायाः तस्य मित्रराष्ट्राणां च यातायातार्थं एषः मार्गः अवरुद्धः कृतः। राष्ट्रपतिः ट्रम्पः सचेतनां दत्तवान् यत् यदि नाटो-सदस्याः अस्मिन् कार्ये साहाय्यं न कुर्वन्ति, तर्हि नाटो-संस्थायाः भविष्यं अन्धकारमयं भवितुं अर्हति।
ब्रिटेन-देशस्य प्रधानमन्त्री कीर-स्टारमरः अवदत् यत् ब्रिटेन-देशः होर्मुज-जलसन्धिं पुनः उद्घाटयितुं सहयोगीभिः सह योजनासु कार्यं करोति, किन्तु सः व्यापके युद्धे न सम्मिलितः भविष्यति। पूर्वं राष्ट्रपतिः ट्रम्पः सहयोगीभ्यः तैल-परिवहन-मार्गस्य रक्षणार्थं युद्धपोतान् प्रेषयितुं याचनां कृतवान् आसीत्। श्री स्टारमरः अकथयत् यत् ब्रिटेन-देशः अमेरिका-यूरोप-खाडीदेशैः सह अस्मिन् क्षेत्रे ‘माइन-डिटेक्टर’ (बारूदी-सुरङ्ग-अन्वेषक) द्रोण-यन्त्राणां प्रयोगस्य सम्भावनासु चर्चां करोति। अपरपक्षे, राष्ट्रपतिः ट्रम्पः प्रधानमन्त्रिणः स्टारमरस्य आलोचनां कृतवान् यतः सः कथितरूपेण युद्धस्य समर्थनं न कृतवान्।एतस्मिन् अन्तरे, जर्मनी-चांसलर-फ्रेडरिक-मर्ज-महोदयस्य प्रवक्त्रा उक्तं यत् पश्चिम-एशिया-युद्धस्य नाटो-संस्थया सह कोऽपि सम्बन्धः नास्ति, एतत् नाटो-पक्षस्य युद्धं नास्ति।
ब्रसेल्स-नगरे यूरोपीय-सङ्घस्य विदेश-मन्त्रिणां सभायाः पूर्वं जर्मनी-देशस्य विदेशमन्त्री जोहान-वाडेफुलः अवदत् यत् होर्मुज-अवरोध-प्रकरणे नाटो-संस्थया हस्तक्षेपः न करणीयः। सः स्पष्टं कृतवान् यत् नाटो-संस्थया अस्मिन् विषये न कोऽपि निर्णयः स्वीकृतः, न च एतस्य दायित्वं तस्याः उपरि अस्ति।