पश्चिम-एशियायाः सङ्कटम्: तैल-भण्डारस्य निर्गमनम्
पश्चिम-एशिया-क्षेत्रे वर्धमानस्य सङ्घर्षस्य मध्ये, अन्तर्राष्ट्रिय-ऊर्जा-अभिकरणेन (IEA) अद्य स्वकीये इतिहासे विशालतमं आपत्कालीन-तैल-भण्डारं निर्गन्तुं सहमतिः प्रकटीकृता। माध्यम-वृत्तानुसारं, पेरिस-नगरे स्थिता एषा संस्था सदस्य-देशानां सामरिक-भण्डारेभ्यः चत्वारिंशत्-कोटि (400 Million) बैरल-परिमितं तैलं प्रदास्यति। सम्प्रति सदस्य-देशानां समीपे एक-अर्बुद-विंशति-कोटि (1.2 Billion) बैरल-परिमितं सार्वजनिक-आपत्कालीन-तैलं विद्यते। एतदतिरिच्य षष्टि-कोटि (60 Million) बैरल-परिमितम् औद्योगिक-भण्डारम् अपि उपलब्धम् अस्ति।
क्षेत्रीय-सुरक्षायाः सङ्कटं दृष्ट्वा एषः निर्णयः गृहीतः। ईरानेन अमेरिका-इज़रायल-देशयोः आक्रमणानां प्रतिक्रियारूपेण पारस-खाड्यां (Persian Gulf) वाणिज्यिक-पोतानाम् उपरि आक्रमणं कृत्वा होर्मुज़-जलडमरूमध्यतः (Strait of Hormuz) मालवाहनं प्रायः अवरुद्धम्। जर्मनी-ऑस्ट्रिया-देशाभ्यां संस्थायाः अनुरोधं स्वीकृत्य स्वकीयात् सामरिक-तैल-भण्डारात् किञ्चित् भागं निर्गन्तुं पुष्टिः कृता।
