साइबर-चौराणां नूतना रीतिः: बैंक-कर्मचारिणः भूत्वा जनान् वञ्चयन्ति

साइबर-चौराणां नूतना रीतिः: बैंक-कर्मचारिणः भूत्वा जनान् वञ्चयन्ति
साइबर-वञ्चकाः (Cyber Thugs) आत्मानं बैंक-कर्मचारिणः इति कथयित्वा जनान् वञ्चयन्ते। एते वञ्चकाः सुलभ-ऋणस्य (Cheap Bank Loan), ‘क्रेडिट्-कार्ड्’ सीमावर्द्धनस्य च व्याजेन ‘व्हाट्स-अैप्’, सन्देशैः, दूरवाणी-कौल-माध्यमेन च जनान् प्रलोभयन्ति। एते धूर्ताः निजी-बैंकस्य कर्मचारिणः इति छद्मवेषं धृत्वा जनान् लुण्ठन्ति। साइबर-आरक्षकदलेन (Cyber Police) एतादृशेभ्यः वञ्चकेभ्यः रक्षितुं मार्गदर्शिका (Advisory) निर्गता अस्ति। हिमाचलप्रदेशे अपि सुलभ-ऋणस्य, ‘क्रेडिट्-कार्ड्’ सीमावर्द्धनस्य च विषये जनानां समीपे अनेके दूरवाणी-कल्स (Calls) आगच्छन्ति। साइबर-वञ्चकाः जनान् जाले पातयितुं नूतनान् मार्गान् अन्विष्यन्ति। सुलभ-ऋणस्य, ‘फास्ट-टैग’ इत्यस्य च अतिरिक्तम् अधुना एते ‘क्रेडिट्-कार्ड्’ सीमावर्द्धनस्य नाम्ना वञ्चनायाः प्रयासं कुर्वन्ति। देशस्य विविधराज्येषु निरन्तरं जायमानानां घटनानां कारणात् साइबर-आरक्षकदलेन हिमाचलस्य जनता सचेतिता अस्ति। आरक्षकदलस्य विश्वासः अस्ति यत् हिमाचलप्रदेशे अपि जनाः एतादृशैः सन्देशैः दूरवाणी-कौलैः च पीडिताः सन्ति।