इज़राइल-संसदि प्रधानमंत्री-मोदिनं ‘स्पीकर ऑफ द नेसेट मेडल’ इति पुरस्कारेण सम्मानम्

इज़राइल-संसदि प्रधानमंत्री-मोदिनं ‘स्पीकर ऑफ द नेसेट मेडल’ इति पुरस्कारेण सम्मानम्
भारत-इज़राइल देशयोः मध्ये रणनीतिक-सम्बन्धानां सुदृढीकरणे असाधारण-योगदानार्थं भारतस्य प्रधानमंत्री नरेन्द्रमोदी इज़राइल-देशस्य संसदि (नेसेट) सर्वोच्चसम्मानेन ‘स्पीकर मेडल’ इत्यनेन अलङ्कृतः। विश्वे अयं सम्मानः येन केनापि नेतृणा प्राप्तः, तादृशः प्रथमः नेता प्रधानमंत्री मोदी अस्ति। सम्बोधनान्ते इज़राइल-संसदः अध्यक्षः आमिर ओहाना महोदयः प्रधानमन्त्रिणे एतं पुरस्कारं समर्पितवान्।प्रधानमंत्री मोदी उक्तवान् यत् सः पूर्णविनम्रतया कृतज्ञतया च एतं पुरस्कारं स्वीकरोति। एकस्मिन् सामाजिक-माध्यम-सन्देशे (Social Media Post) श्रीमोदिना लिखितं यत् अयं सम्मानः केवलं कस्यचित् एकस्य व्यक्तुः नास्ति, अपितु भारत-इज़राइल देशयोः अक्षुण्ण-मैत्र्याः सम्मानः अस्ति। ‘नेसेट-सम्मानः’ रक्षा-तन्त्र-कृषि-नवाचार-आर्थिकसहयोगादिषु द्विपक्षीय-सम्बन्धेषु प्रधानमन्त्रिणः विशिष्टां भूमिकां प्रकटयति।केन्द्रीय-गृहमंत्री अमितशाहः अवदत् यत् प्रधानमन्त्रिणः एषः सम्मानः तस्य कुशल-राजनीतिज्ञतां दर्शयति। एषः पुरस्कारः परस्पर-सशक्तिकरणाय मानव-कल्याणाय च उभयोः देशयोः सम्पर्कं प्रोत्सहते। श्रीशाहः अपि उक्तवान् यत् अयं सम्मानः प्रत्येकस्य भारतीयस्य कृते गौरवस्य विषयः अस्ति। एतत् प्रधानमन्त्रिणः तस्याः दूरदृष्टेः निदर्शनम् अस्ति, या लोककल्याणार्थं राष्ट्राणां मध्ये सेतु-निर्माणं करोति।