भारत-कीनिया देशयोः मध्ये ‘डिजी-लॉकर’ सन्धिः

भारत-कीनिया देशयोः मध्ये ‘डिजी-लॉकर’ सन्धिः
भारत-कीनिया-देशयोः मध्ये नवदेहली-नगरे ‘एआई इम्पैक्ट समिट’ (AI Impact Summit) अवसरे कीनिया-देशे ‘डिजी-लॉकर’ (DigiLocker) मार्गदर्शी-परियोजनायाः (Pilot Project) कार्यान्वयन-रूपरेखा-सन्धेः हस्ताक्षरम् अभवत्।
नैरोबी-स्थितेन भारतीय-उच्चायोगेन सामाजिक-माध्यमेन सूचितं यत् ‘डिजी-लॉकर’ समाधानं आधिकारिक-प्रपत्राणां सुरक्षितं डिजिटल-सञ्चयम् अपरोक्षं (Real-time) सत्यापनं च कर्तुं समर्थं भविष्यति। अनेन पत्र-कार्यस्य न्यूनता भविष्यति तथा च नागरिकाणाम्, छात्राणाम्, उद्यमिनां च कृते सार्वजनिक-सेवासु सुलभता वर्धिष्यते।भारते ‘डिजी-लॉकर’ इत्यस्य ५० कोटिभ्यः (५०० मिलियन्) अधिकाः पञ्जीकृत-प्रयोक्तारः सन्ति। द्विसहस्रतः अधिकानां सेवानां माध्यमेन नव-अर्बुदतः (९ बिलियन्) अधिकाः प्रपत्राणि डिजिटल-रूपेण निर्गतानि, यानि अधुना पत्ररहित-उपस्थितिरहित-प्रशासनस्य आधारभूतानि सन्ति।