(मार्गदुर्घटनायां व्रणितस्य पवनदीपस्य चित्रम्)
दूरदर्शनकार्यक्रमस्य इण्डियनआइडल १२ इत्यस्य विजेता गायक: पवनदीप: उत्तराखण्डत: नोएडानगरं गच्छन् मार्गदुर्घटनायां व्रणितो जात:। दुर्घटनायां तस्य कारयानचालकः राहुलसिंहः सहचरः अजयमेहरा च अपि व्रणितौ। पुलिसारक्षकै: त्रय: एव निजचिकित्सालये प्रवेशिता:।
गायकस्य पवनदीपस्य स्थितिः गम्भीरा अस्ति। उत्तराखण्डस्य चम्पावतक्षेत्रस्य निवासी सुरेशराजनस्य आत्मज: पवनदीपः भारतीयगायनस्य “रियलिटीटीवीशो इण्डियन आइडल १२” इत्यस्य विजेता अस्ति। प्राप्तवार्तानुसारं रविवासरे रात्रौ पवनदीपः स्वमित्रेण “अजयमेहरा” इत्यनेन सह गृहात् नोएडानगरं गच्छन् आसीत्।
तस्मिन् काले तस्य कारयानं चालकः राहुलसिंहः चालयति स्म। रात्रौ २.३० (सार्धद्विवादने) गजरौलापुलिसस्थानकक्षेत्रे चौपाला-क्रॉसिंग–उपरिसेतो: यदा तस्य वाहनम् अवतरत् तदा एव कैंटरयानेन सह पृष्ठत: घट्टनम् अभवत्। चालकस्य राहुलसिंहस्य निद्राकारणेन दुर्घटनेयम् अभवत् । दुर्घटनायां गायकः पवनदीपः, तस्य सहचरः अजयमेहरा, चालकः राहुलसिंहश्च गम्भीररूपेण व्रणिताः अभवन् ।
