मुख्यमंत्रिणा धामिना जनसमस्यानां त्वरिताय समयबद्धसमाधानाय दत्तः निर्देशः

मुख्यमंत्रिणा धामिना जनसमस्यानां त्वरिताय समयबद्धसमाधानाय दत्तः निर्देशः
हिमसंस्कृतवार्ता, देहरादूनम्, धीरजः 24 जुलाईमासः ।मुख्यमन्त्री पुष्करसिंहधामी शुक्रवासरे मुख्यमन्त्रीशिविरकार्यालयस्थिते मुख्यसेवकसदने प्रदेशस्य विविधक्षेत्रेभ्यः समागतानां नागरिकाणां समस्याः अशृणोत्। तेन अधिकारिभ्यः निर्देशाः प्रदत्ताः यत् प्रत्येकजनपरिवादस्य समाधानं संवेदनशीलतया, पारदर्शितया, समयबद्धतया च सुनिश्चितं क्रियताम्, येन जनाः अनावश्यकरूपेण कार्यालयानां पुनःपुनः परिभ्रमणं न कुर्वन्तु।मुख्यमन्त्री अवदत् यत् राज्यसर्वकारः जनहितस्य सुशासनस्य च सिद्धान्तान् अनुसृत्य कार्यं करोति तथा जनसामान्यस्य समस्याणां त्वरितनिराकरणं सर्वकारस्य सर्वोच्चप्राथमिकतासु अन्यतमम् अस्ति। तेन अधिकारिणः निर्देशिताः यत् प्रत्येकशिकायतायाः गम्भीरतया परीक्षणं कृत्वा नियमानुसारम् प्रभाविकार्यवाही क्रियताम् तथा परिवादसूचयित्रे समाधानस्य प्रगतिविषये नियमितरूपेण सूचना प्रदीयताम्।सः अवदत् यत् प्रदेशवासिनाम् अपेक्षाणां परिपालनं सर्वकारस्य दायित्वम् अस्ति। सर्वे अधिकारिणः जनसेवाभावेन कार्यं कुर्वन्तु तथा जनपरिवादानां निराकरणे कस्याप्यनावश्यकविलम्बस्य अवसरः न प्रदीयताम्।मुख्यमन्त्री अस्मिन् अवसरे गढवालमण्डलस्य आयुक्तम् आनन्दस्वरूपम् तथा गढवालपरिक्षेत्रस्य महानिरीक्षकं राजीवस्वरूपं प्राप्तानां जनसमस्यानां प्राथमिकताक्रमेण समाधानं सुनिश्चेतुं निर्देशितवान्। तेन उक्तं यत् येषां प्रकरणानां निराकरणं जनपदस्तरे विभागीयस्तरे वा सम्भवति, तानि तत्क्षणमेव समाधीयन्ताम्, उच्चस्तरीयप्रकरणानि तु शीघ्रं सम्बन्धितविभागेभ्यः प्रेष्यन्ताम्।मुख्यमन्त्री अधिकारिभ्यः जनश्रवणव्यवस्थां अधिकप्रभाविनीं परिणामोन्मुखिनीञ्च कर्तुम् अपि बलम् अददात्, येन प्रदेशस्य प्रत्येकं नागरिकः समये न्यायं रक्षणं च प्राप्नुयात्।