KKSU : कविकुलगुरुकालिदाससंस्कृतविश्वविद्यालयस्य महिलाशाखायाः पक्षतः स्वास्थ्यं, मधुमेह: दन्तपरीक्षा शिविरस्य चायोजनम्

KKSU : कविकुलगुरुकालिदाससंस्कृतविश्वविद्यालयस्य महिलाशाखायाः पक्षतः स्वास्थ्यं, मधुमेह: दन्तपरीक्षा शिविरस्य चायोजनम्
हिमसंस्कृतवार्ता: – नागपुरम्।‌
कविकुलगुरुकालिदाससंस्कृतविश्वविद्यालयस्य महिलाप्रकोष्ठ-एवं अन्तर्गत-तक्रार-समित्याः सहकारेण सर्वेषां कर्मचारिणां कृते स्वास्थ्य-मधुमेह-दन्तपरीक्षा-शिबिरस्य आयोजनं कृतम् । महिलाविभागस्य समन्वयिका डॉ. राजश्रीमेश्रामः स्वस्य परिचये अवदत् यत् विश्वविद्यालयस्य कर्मचारिणां स्वास्थ्यजागरूकतां वर्धयितुं महिलाप्रकोष्ठः प्रतिवर्षं स्वास्थ्यशिबिराणां आयोजनं करोति।
प्रख्यातचिकित्सा विशेषज्ञ: डॉ. भूमेश्वर: नटकर: एवं दन्तविशेषज्ञ: डॉ. स्नेहल: नटकर: उपस्थितानां रोगिणां सफलतापूर्वकं शमनं कृतम्। अस्मिन् शिबिरे २०० तः अधिकाः कर्मचारिण: लाभान्विताः अभवन् । कुलपति प्रो. हरेराम: त्रिपाठी एवं कुलसचिव: डॉ. देवानन्द: शुक्ल: अपि स्वास्थ्यपरीक्षणं अकारयताम्।
कुलपतिना सर्वे कर्मचारिणः एतादृशानां स्वास्थ्य-उपक्रमानाम् लाभं ग्रहीतुं प्रोत्साहिता: तथा च डॉ. मेश्रामाया: स्वास्थ्य-जागरूकता-शिबिरस्य प्रशंसा कृता। कुलसचिव: डॉ. शुक्लः स्वास्थ्यसेवायाः महत्त्वं प्रकाशयन् सर्वेभ्यः स्वस्वास्थ्यं प्राथमिकताम् अददत् इति आग्रहं कृतवान्।