Himachal News : हिमाचलस्य प्रमुखा: संस्कृतवार्ता:
धर्मशालायां २८ सितम्बरतः भव्यरूपेण आरभ्यते काङ्गड़ा- उपत्यका- कार्निवालः, प्रथमवारं ड्रोनप्रदर्शनं भविष्यति
हिमसंस्कृतवार्ता: – धर्मशाला।
पर्यटनस्य प्रचारार्थं, काङ्गड़ा-संस्कृतेः जनानां मध्ये प्रसारणार्थं धर्मशालायां २८ सितम्बरतः काङ्गड़ा उपत्यका कार्निवालस्य आयोजनं भविष्यति। अयं भव्यः कार्यक्रमः २८ सितम्बरतः १३ अक्तूबरपर्यन्तं धर्मशालानगरस्य पुलिस प्राङ्गणे प्रचलिष्यति। कार्निवालस्य २८ सितम्बरतः २ अक्तूबरपर्यन्तं सांस्कृतिकसन्ध्यायाः आयोजनं भविष्यति। कार्निवालस्य आरम्भः भव्य-शोभायात्रायाः माध्यमेन भविष्यति। यत् उपायुक्तस्य कार्यालयस्य परिसरात् आरभ्य आयोजनस्थले समाप्ता भविष्यति। अस्यां शोभायात्रायां पारम्परिकवेषेषु स्थानीयकलाकाराः दृश्यन्ते।
एते कलाकारा: प्रदर्शनं करिष्यन्ति
कार्निवालस्य सांस्कृतिकसन्ध्यासु पंजाबीगायकः मनिन्द्रबटरः २८ सितम्बर्
दिनाङ्के, बॉलीवुड कलाकारः गजेन्द्र वर्मा २९ सितम्बर दिनाङ्के, रशमीत कौरः १ अक्तूबर दिनाङ्के च तारककलाकाररूपेण प्रदर्शनं करिष्यन्ति। ३० सितम्बरदिनाङ्के सांस्कृतिकसन्ध्या हिमाचलीकलाकाराणां नाम्ना भविष्यति। अक्तूबरमासस्य द्वितीये दिने केरलस्य बहुशैली-सङ्गीतदलं ‘थाई कुडम्’ इति समूहः प्रदर्शनं करिष्यति, येन सह ड्रोन्-प्रदर्शनस्य आयोजनमपि भविष्यति।
प्रथमवारं ड्रोनप्रदर्शनम्
उपायुक्तः हेमराज बैरवा अवदत् यत् अस्मिन् कार्निवाले प्रथमवारं ड्रोन-प्रदर्शनस्य आयोजनं क्रियते, यत् प्रेक्षकाणां कृते अतीव रोमाञ्चकं भविष्यति। सः सर्वेभ्यः अस्मिन् कार्निवाल- समारोहे भागं गृहीत्वा तस्य सौन्दर्यं वर्धयितुं प्रार्थितवान्।
HP News: आवश्यकतायुतानां बालकानां शिक्षायां साहाय्यं करिष्यति सर्वकारः।
डॉ. वाई. एस. परमार छात्रऋणयोजनायाः अन्तर्गतं विदेशे अध्ययनार्थं न्यूनदरेणऋणं प्राप्यते।
हिमसंस्कृतवार्ता:- शिमला।
राज्यसर्वकारेण राज्यस्य वंचितवर्गस्य बालकानां शिक्षाप्राप्त्यर्थं अनेकानि पदानि कृतानि सन्ति। सर्वकारेण डॉ. वाई. एस. परमार ऋणयोजना प्रारब्धा अस्ति। अस्य अन्तर्गतं आर्थिकदृष्ट्या दुर्बलवर्गस्य छात्राणां लाभाय ये विदेशेषु शिक्षां प्राप्तुम् इच्छन्ति तेषां लाभाय निर्णयः कृतः। एतेन उपक्रमेण विदेशेषु संस्थासु उच्चशिक्षां कर्तुम् इच्छतां छात्राणां मार्गे आर्थिकसीमाः न आगमिष्यन्ति। अस्य कृते शिक्षाविभागः शीघ्रमेव मानकसञ्चालनप्रक्रिया निर्गमिष्यति। मुख्यमन्त्री सुखविन्दरसिंहसुक्खु: इत्यनेन आर्थिकवर्षे २०२३-२४ वित्तीयवर्षे आर्थिकदृष्ट्या दुर्बलवर्गस्य मेधावीबालानां लाभाय डॉ. वाई. एस. परमार छात्रऋणयोजनायाः आरम्भः कृतः। योजनायाः अन्तर्गतं योग्यानां वास्तविकहिमाचलीय- छात्राणां कृते केवलं एकप्रतिशतव्याजदरेण शैक्षिकऋणं प्रदत्तं भवति। सः अवदत् यत् राज्यसर्वकारः युनां कृते गुणात्मकं जीविकाप्रधानं च शिक्षां प्रदातुं प्रतिबद्धतया सह कार्यं कुर्वन् अस्ति। एतया योजनायाः सह राज्यस्य योग्याः छात्राः धनस्य अभावात् उच्चतरं व्यावसायिकं च शिक्षाया: न वंचिताः भविष्यन्ति।
२०० कोटिरूप्यकाणां बजटं विमोचितम्
अस्याः योजनायाः कृते राज्यसर्वकारेण २०० कोटिरूप्यकाणां बजटं विनियोजितम् अस्ति। येषां परिवाराणां वार्षिकं आयं ४ लक्षरूप्यकात् न्यूनं भवति ते अस्याः योजनायाः लाभं लब्धुं शक्नुवन्ति। विलम्बं न भवेत् इति कृते जिलास्तरस्य उपायुक्तस्य निरीक्षणे सर्वकारेण कोषः स्थापितः भविष्यति। योजनायाः अन्तर्गतं अभियांत्रिकी, चिकित्सा, प्रबन्धनं, नर्सिंग, फार्मेसी, विधि: इत्यादिषु व्यावसायिक- तकनीकी- शिक्षासम्बद्धेषु पाठ्यक्रमेषु डिप्लोमा-उपाधिं कर्तुम् इच्छन्तः छात्राः अपि च आईटीआई, पॉलिटेक्निक- पीएचडी कुर्वन्तः छात्राः लाभं लब्धुं शक्नुवन्ति। तदर्थं पूर्ववर्गे न्यूनतमं ६० प्रतिशतं अंकं प्राप्तुं अनिवार्यं भवति तथा च पाठ्यक्रमे प्रवेशसमये छात्राणां आयुः २८ वर्षाणाम् न्यूना भवितुमर्हति।
HPRCA Hamirpur: हिमाचलप्रदेश- राज्य- चयनायोगस्य सदस्यानां वेतनं निर्धारितम्, अध्यक्षाय १.३५ लक्षरूप्यकाणां मासिकं वेतनम्
हिमसंस्कृतवार्ता: – शिमला।
हिमाचलप्रदेश- राज्यचयन- आयोगस्य हमीरपुरस्य अध्यक्षाय प्रतिमासं १.३५ लक्षरूप्यकाणां वेतनं प्रदास्यते। एतदतिरिक्तं सदस्येभ्य: प्रतिमासं १.२० लक्षरूप्यकाणि प्रदत्तानि भविष्यन्ति। आयोगस्य अध्यक्षाय सदस्येभ्यः च क्रमशः प्रधानसचिवस्य सचिवस्य च सममूल्यं चिकित्सायात्रा, दैनिकं, माइलेजवृत्ति: च दीयते।
अवकाशस्य सन्दर्भे केन्द्रीयनागरिकसेवा (अवकाश) नियम, १०७२ इत्यस्य प्रावधानानाम् अनुसारं अध्यक्षाय सदस्येभ्यः च अवकाशः उपलभ्यते। आयोगस्य अध्यक्षस्य सदस्यानां च नियमशर्तानाम् विषये अधिसूचना कार्मिकविभागेन कृता अस्ति।
