Congress: कांग्रेसस्य घोषणापत्रस्य चर्चया ईर्ष्यति भाजपा – पी. चिदम्बरम्
हिमसंस्कृतवार्ता- शिमला।
पूर्वकेन्द्रीयमन्त्री पी चिदम्बरमः उक्तवान् यत् भाजपायाः ४०० पारं कर्तुं गणितं दुर्बोधम् अस्ति। तमिलनाडुप्रदेशे २५ आसनेषु २५ आसनानि भाजपा हानिम् अनुभवति। केरलदेप्रशे अपि भाजपायाः २० आसनेषु पराजयस्य सम्मुखीकरणं कर्तव्यं भविष्यति। एतादृशे सति ४०० आसनानि पारितानि इति केन आधारेण कथ्यते इति सूचना नास्ति। मंगलवासरे चिदम्बरमः हिमाचलप्रदेशस्य उच्चन्यायालये प्रकरणस्य श्रवणार्थं शिमलानगरम् आगतः आसीत्। अस्मिन् काले सः राज्यस्य काङ्ग्रेस- मुख्यालयं राजीवभवनं, शिमलानगरं प्राप्तवान् अपि च दलस्य अधिकारिभिः कार्यकर्तृभिः सह किञ्चित् समयं व्यतीतवान्।
संचारमाध्यमेन सह वार्तालापं कुर्वन् सः अवदत् यत् काङ्ग्रेसस्य प्रतिज्ञानानां, घोषणापत्रस्य च देशे सर्वत्र चर्चा क्रियते। एतेन भाजपानेतारः ईर्ष्याम् अनुभवन्ति। सः अवदत् यत् काङ्ग्रेसघोषणापत्रे अनुसूचितजातीनां, अनुसूचितजनजातीनां, निर्धनयवनानां, निर्धनानाम् हिन्दूनां, ईसाईनां, निर्धनानां च विषये चर्चा कृता। अस्मात् कारणात् प्रधानमन्त्रिणे नरेन्द्रमोदिने भाजपायै च काङ्ग्रेस-घोषणापत्रात् आपत्तिः अस्ति। सः अवदत् यत् अहं स्वयं तमिलनाडुप्रदेशे प्रचारं कृतवान्।
अस्मिन् काले दूरस्थग्रामेषु अपि काङ्ग्रेस-घोषणापत्रस्य चर्चा क्रियते। काङ्ग्रेसस्य घोषणापत्रे समाजस्य प्रत्येकं वर्गाय सम्बलं न्यायं च प्रदातुं चर्चा कृता। पूर्वकेन्द्रीयमन्त्री उक्तवान् यत् भाजपायाः घोषणापत्रस्य शीर्षकं मोदिन: प्रतिज्ञा (गारण्टी) अस्ति। सः अवदत् यत् कस्यचित् राजनैतिकदलस्य घोषणापत्रं मोदिन: कृते प्रतिज्ञा न भवितुम् अर्हति। प्रधानमन्त्री मोदी काङ्ग्रेसस्य घोषणापत्रमपि पठेत्। चिदम्बरमः अवदत् यत् भाजपा एव इलेक्ट्रोल बाण्ड इत्यस्मात् ८५०० कोटिरूप्यकाणां दानं गृहीत्वा स्वस्य वित्तकोषसंख्यानां स्थगितीकरणेन काङ्ग्रेसदलं विकलाङ्गं कृतमस्ति। परन्तु काङ्ग्रेसपक्षतः जनाः एव निर्वाचनं प्रतिस्पर्धयन्ति, निर्वाचने भाजपा उत्तरं प्राप्स्यति।
