‘खननतस्करै: सह सम्बद्धाः आसन् विद्रोही विधायकाः’ – राजेश धर्माणी
हिमसंस्कृतवार्ता- हमीरपुरम्।
प्राविधिकशिक्षामन्त्री एवं बड़सरविधानसभाक्षेत्रस्य उपनिर्वाचनप्रभारी राजेश: धर्माणी उक्तवान् यत् विक्रीतविधायकाः धनशक्त्या उपनिर्वाचनं जेतुम् न शक्ष्यन्ति। धनशक्तिः जनशक्त्या सह स्पर्धां न करिष्यति। खननतस्कर-सङ्घस्योपरि अंकुशात् विक्रीता: विधायकाः स्तब्धाः अभवन् । तेषां सम्बद्धता अपि तस्कर-सङ्घटनेन सह सम्बद्धाः आसन्, शनैः शनैः सम्पूर्णा कथा उजागरिता भवति। ते भाजपया सह मूल्यं कृत्वा एव सर्वकारस्य पतनस्य षड्यंत्रं कृतवन्त: । विक्रयणयोग्यविधायकानां क्षेत्रेषु विकासकार्यं पूर्णतया प्रचलति।
सुजानपुरं, बड़सर:, कुटलैहरड़म् गगरेट:, धर्मशाला, लाहौल-स्पीति: विधानसभाक्षेत्रेषु ३०० तः ४०० कोटिरूप्यकाणां कार्याणि कृतानि इति धर्मणी अवदत्। सुजानपुरस्य पूर्वविधायकः राजेन्द्रराणा कदापि विकासकार्यार्थं मुख्यमन्त्रिण: समीपं न गच्छति स्म, तस्य अहंकारः मार्गे आगच्छति स्म। सुजानपुरस्य विकासः काङ्ग्रेसस्य योगदानम् अस्ति, तत्र भाजपया किमपि न कृतम्। कतिपयमासेभ्यः पूर्वं यावत् भाजपायाः शापं कुर्वन् राणा इदानीं तस्याः अङ्के उपविश्य मिथ्याप्रशंसां गायति। परन्तु, जनसमूहः तस्य चालनं, मुखं, चरित्रं च ज्ञातवान् अस्ति। बडझसर-गगरेट-धर्मशाला-क्षेत्रेषु पूर्वविधायकाः यत् याचितवन्तः तत् प्राप्नुवन्ति स्म, तथापि तेषां धनं तेषां आत्मानं, अन्तःकरणं च अतिक्रान्तम् आसीत् । कुटलैहड़स्य विधायकाः स्थानान्तरणं निविदां च ग्रहीतुं व्यग्रा: एव आसन् ।
लाहौल-स्पीतिक्षेत्रस्य पूर्वविधायकं रविठाकुरं जना: कदापि क्षमां न करिष्यन्ति। मुख्यमन्त्री सुखविन्दरसिंहसुक्खुः स्पीति-क्षेत्रस्य काजायां प्रथमवारं हिमाचल-दिवसम् आचरितवान् । रवे: सर्वे आग्रहा: पूर्णा:। मुख्यमन्त्री लाहौलस्य केलाङ्गतः महिलानां कृते इन्दिरागान्धी-प्रियभगिनी-सुखसम्मान- निधि: इत्यस्य अन्तर्गतं प्रतिमासं १५०० रूप्यकाणां वितरणं प्रारब्धवान्। महिलानां वित्तकोषसंख्यासु प्रथमांशं आगतमस्ति। लाहौलस्पित्यां जनानां सम्मुखीभवनं रविः कष्टं अनुभवति। गगरेटे पूर्वविधायकस्य चैतन्यस्य नाम्ना जनानां कृते कर-सङ्ग्रहः क्रियमाणः आसीत् ।
धर्माणी उक्तवान् यत् नेताविपक्ष: जयरामठाकुरः स्वसर्वकारस्य समयं विस्मृतवान्। तस्य काले राज्ये अराजकतायाः वातावरणम् आसीत् । विधिव्यवस्था इति किमपि नासीत् । वर्तमानसर्वकारे राज्ये अपराधिनां स्थानं नास्ति। ये विधिं स्वहस्ते गृह्णन्ति ते सद्यः कारागृहं प्रेषिताः भवन्ति। अपराधिनः पुलिस-अभिरक्षणात् पलायितुं न शक्नुवन्ति । जयरामठाकुरः आसन्दम् अपहृत्य एव मृषावादस्य स्वभावं विकसितवान् अस्ति। तस्य कस्मिन् अपि वचने सत्यं नास्ति, सः कल्पितं वदति।
