पालमपुरस्य घटनां वादविषयं कृत्वा राजनैतिकलाभान् प्राप्नोति भाजपा- मुख्यमंत्री सुखविन्दरसिंहसुक्खुः
हिमसंस्कृतवार्ता- कार्यालयीय: प्रतिनिधि:।
पालमपुरे कन्याया: घातकप्रहारस्य प्रकरणे भाजपा राजनैतिकलाभान् प्राप्तुं प्रयतते। यदि कङ्गना रणौत इत्यनया व्ययस्य वहनः करणीयः आसीत् तर्हि यदा आमिरखानः आपदासमये हिमाचलस्य कृते २५ लक्षरूप्यकाणि दत्तवान् आसीत् तदा तदा निर्वाचनं प्रतिस्पर्धयन्त्याः हिमाचलस्य पुत्री राज्यस्य पीडां ज्ञातुम् अर्हति स्म। अधुना चिकित्साव्ययम् उढ्वा शीर्षकं संग्रहीतुं प्रयत्नः क्रियते। मुख्यमन्त्री सुखविन्दरसिंहसुक्खुः नादौनक्षेत्रस्य सेरा-विश्रामगृहे पत्रकारानां प्रश्नानाम् उत्तरं दत्त्वा एतानि वचनानि अवदत्। मुख्यमंत्री सुखविन्दरसिंहसुक्खुः इत्यनेन मण्डी संसदीयक्षेत्रस्य भाजपा प्रत्याशी कङ्गनारणौत इत्यस्याः आक्रमणे घातितायाः पुत्र्याः व्ययस्य वहनस्य वक्तव्यस्य प्रति एषा प्रतिक्रिया दत्ता। सः अवदत् यत् यदि सा व्ययं वोढुम् इच्छति तर्हि एतत् महत् कार्यं नास्ति। आहतकन्यायाः चिकित्सायाः व्ययः सर्वकारेण वोढुं पूर्वमेव निर्णयः कृतः, परन्तु अधुना भाजपा अस्मिन् विषये राजनैतिकलाभान् प्राप्नोति।
‘भाजपा कार्यकर्तार: एवं नेतार: विचलिता:’
विधायकानां काङ्ग्रेसं त्यक्त्वा मुख्यमन्त्री दुःखितः इति विपक्षनेता जयरामठाकुरस्य वक्तव्यस्य विषये मुख्यमन्त्री सुक्खुः अवदत् यत् काङ्ग्रेसः मुख्यमन्त्री च न अपितु भाजपानेतारः एव व्यथिताः। काङ्ग्रेससर्वकारस्य पातनार्थं विद्रोहिभ्य: नामपत्रं दत्तम् अस्ति। भाजपा शीर्षनेतृत्वस्य एतेन निर्णयेन तृणमूलस्तरस्य भाजपानेतारः कार्यकर्तारः च विचलिताः सन्ति। विपक्षनेता यदा मुख्यमंत्रिण: आसनतः अवतरितः तदा आरभ्य सः स्वयमेव विचलितः अस्ति। सः अवदत् यत् प्रत्येकं विपक्षनेता विधिव्यवस्थां वादरूपेण स्थापयितुं प्रयतते। अस्याः दुःखदघटनायाः विरोधाय सर्वे एकत्र आगत्य कार्यं कर्तव्यम्। परन्तु भाजपा अस्मिन् विषये राजनैतिकलाभान् प्राप्तुं प्रयतते।
जयराम ठाकुरः मुख्यमन्त्रिणः आसनम् आकर्षयितुं प्रयतते
मुख्यमन्त्री सुक्खुः अवदत् यत् यदा विपक्षनेता मुख्यमंत्रिण: आसनतः पदं त्यक्तवान् तदा आरभ्य सः आसनम् आकर्षयितुं प्रयतते, विधि-व्यवस्थां च वादरूपेण स्थापयितुं प्रयतते। साधु यत् विपक्षस्य नेता पुत्रीगृहं गतः, परन्तु सः विषये राजनीतिं कृत्वा का राजनैतिकपरम्परां प्रवर्धयितुम् इच्छति। पालमपुरे या घटना घटिता सा अतीव दुःखदा अस्ति। एषा हिमाचलस्य संस्कृतिः नास्ति। हिमाचले देवसंस्कृतेः विश्वासं कुर्वन्तः जनाः सन्ति। पीडिता अस्माकं कन्या अस्ति। अभियुक्तः कारागृहे प्रेषितः अस्ति।
