श्री सोनारी पीएमश्री-गुजरात-प्राथमिकशालायां ‘विकसित भारतम् @२०४७’ इत्यस्य अन्तर्गतम् विविध-स्पर्धाः प्राचीनवस्तूनां प्रदर्शनी च आयोजिताः
वार्ताहर: – जगदीश डाभी
(ऊना-गुजरातम्, हिमसंस्कृतवार्ता:) १९/०९/२०२६ दिनाङ्के श्री सोनारी पीएमश्री-गुजरात-प्राथमिकशालायां ‘विकसित भारतम् @२०४७’ अभियानस्य अन्तर्गतम् शालायाः छात्राणां कृते वक्तृत्वस्पर्धा चित्रस्पर्धा च आयोजिता आसीत्। अस्याम् आहत्य १९९ छात्राः भागम् अगृह्णन्। चित्रस्पर्धायाम् उत्कृष्टं प्रदर्शनं कृतवद्भ्यः त्रिभ्यः विजेतृभ्यः छात्रेभ्यः आराधना मनुभाई डाभी, साहिल: अश्विनभाई वंश:, अञ्जलि रामभाई सोलंकी च इति एतेभ्यः पुरस्कारान् दत्त्वा प्रोत्साहनम् अदीयत। यदा वक्तृत्वस्पर्धायां विजेतारौ छात्रौ: निलय सतिष कुमार गोहिल: च क्रिनल परबतभाई मेवाडा इति एतौ अपि पुरस्कारैः प्रोत्साहितौ कृतौ । अस्मिन् विशाले कार्यक्रमे मुख्यअतिथिविशेषरूपेण ऊनाक्षेत्रस्य विधायकः श्रीमान् काळुभाई राठोडः, तालुका भाजपाध्यक्षः श्रीमान् बीजलभाई बांभणीया तथा ऊना तालुका पंचायतसदस्यः श्रीमान् सामतभाई चारणीया विशेषेण उपस्थिताः आसन्।
अस्य कार्यक्रमस्य सहैव आयोजितायाः ‘मम गणेशः मृत्तिकायाः गणेशः’ इति स्पर्धायाः अपि शालया आयोजनं कृतम् आसीत्। शालायाः २०० मात्राः छात्राः स्वहस्तेन निर्मितान् आकर्षकान् मृत्तिकागणेशान् दृष्ट्वा उपस्थितः विधायकमहोदयः छात्राणाम् एतम् उत्साहं वर्धयितुं तेभ्यः १०,००० रूप्यकाणां धनरािं प्रोत्साहनपुरस्काररूपेण अयच्छत्। एतदतिरिच्य, शालायाम् ‘वदन्ति भित्तिः’ इत्यस्य अन्तर्गतम् एका विशेषा प्रदर्शनी आयोजिता आसीत्। यस्यां छात्राः प्राचीनवस्तूनि, पुरातनान् नाणकान् (मुद्राः), परम्परागतभूषणानि तथा ऐतिहासिकवस्तूनि स्वगृहात् आनीतवन्तः। अस्याः अभिनवप्रवृत्तेः भूयसीं प्रशंसां कुर्वन् विधायकः श्री काळुभाई राठोडः तेषां मार्गदर्शकशिक्षकं श्रीमन्तं भरतकुमार शिंगडं प्रति अभिनन्दनं वदन् अकथयत् यत् – “एकः शिक्षकः चिन्तयति चेत् किं कर्तुं न शक्नोति ?” सः शालायाः शिक्षकाणां छात्राणां च अस्याः सर्जनात्मकतायाः प्रयासानां च प्रशंसां कृत्वा उपस्थितान् सर्वान् जनान् भृशम् वर्धापितवान्।
अस्मिन् प्रसङ्गे विधायकमहोदयस्य, उपस्थितानां महानुभावानाम्, शालायाः प्राचार्यस्य, शिक्षकगणस्य, ग्रामीणानां तथा पालकानाम् (अभिभावकानाम्) उपस्थितौ समग्रः कार्यक्रमः अत्यन्तोत्साहेन साफलतापूर्वकं च सम्पन्नः अभवत्।
