संस्कृतभारती – गुर्जरप्रान्तः
पञ्चमहालविभागे अभ्यासवर्गः तथा मार्गदर्शनसत्रं सम्पन्नम्
वार्ताहर: – जगदीश डाभी (गोधरा-गुजरातम्)
(हिमसंस्कृतवार्ता:) संस्कृतभारती-गुर्जरप्रान्तस्य तत्त्वावधाने पञ्चमहालविभागे एकः विशेषः अभ्यासवर्गः तथा मार्गदर्शनसत्रम् उत्साहपूर्णवातावरणे सम्पन्नम्। अस्मिन् वर्गे आहत्य ३८ (अष्टात्रिंशत्) कार्यकर्तारः समागताः, उपस्थिताः च अभवन्। कार्यक्रमे पञ्चमहालः, दाहोदः तथा महिसागरः इति त्रयाणां जनपदानां कार्यकर्तारः उत्साहपूर्वकं उपस्थिताः आसन्। अस्मिन् अभ्यासवर्गे संस्कृतभारती-गुर्जरप्रान्तस्य प्रान्ताध्यक्षः श्रीकृष्णप्रसादः निरौलाजी महोदयः, प्रान्तमन्त्री डॉ. रघुराम लश्करी महोदयः, प्रान्तसङ्घटनमन्त्री श्री नवीन अत्रि महोदयः, तथा पञ्चमहालविभागसंयोजकः डॉ. चिराग पुरोहित महोदयः प्रमुखतया उपस्थिताः आसन्। इति अस्मिन् अभ्यासवर्गे जिला-बौद्धिकप्रमुखः श्री धर्मेन्द्र गुर्जर महोदयः बौद्धिकसत्रं गृहीतवान् तथा उपस्थितकार्यकर्तृभ्यः मौलिकं मार्गदर्शनं प्रदत्तवान्। प्रान्तपत्राचारशिक्षणप्रमुखः डॉ. दिनेशभाई माछी महोदयः संस्कृतपत्राचारशिक्षणस्य विषये विशदं मार्गदर्शनं दत्तवान्। प्रान्तशिक्षणसहमन्त्री डॉ. दिलीपभाई प्रजापति महोदयः अभ्यासवर्गस्य उद्देश्यानि तथा संस्कृतगौरवपरीक्षायाः महत्त्वं विषयीकरणं च कृत्वा ओजस्वि उद्बोधनं दत्तवान्। अस्मिन् जनपदस्तरीय प्रमुखोपस्थितिः
कार्यक्रमे पञ्चमहालजनपदाध्यक्षः डॉ. महेश पटेल महोदयः, पञ्चमहालजनपदसंयोजकः डॉ. मीतेश शर्मा महोदयः, दाहोदजनपदसंयोजकः श्री अभयभाई रावल महोदयः, तथा महिसागरजनपदसंयोजिका डॉ. जागृतिबेन बारोट महोदया उपस्थिताः आसन्। तथैव पञ्चमहाल, दाहोद तथा महिसागर इति त्रयाणां जनपदानां कार्यकर्तारः अपि उत्साहेन अभ्यासवर्गे सहभागितां कृतवन्तः। अयं अभ्यासवर्गः कार्यकर्तॄणां संस्कृतज्ञानवर्धनाय, सङ्गठनात्मकदक्षताविकासाय, संस्कृतप्रचारकार्यस्य विस्ताराय च अत्यन्तं उपयोगी अभवत्। सर्वेषां कार्यकर्तॄणां उत्साहपूर्णसहभागितया कार्यक्रमः सफलतया सम्पन्नः।
