संग्रहण-तन्त्रं समूलम् उत्पाटयिष्यामः; छात्राः प्रश्नान् पृच्छेयुः चेत् उत्तरम् अवश्यं लभ्येत् -राहुलगान्धी
हिमसंस्कृतवार्ता — नवदेहली।
काङ्ग्रेस-दलस्य पूर्व-अध्यक्षः लोकसभायां विपक्षस्य नेता राहुलगान्धी-महोदयः झारखण्ड-राज्यस्य छात्राणां राज्य-सर्वकारस्य च मध्ये सहमति-स्थापनेन छात्राणाम् अनशन-समाप्तौ हर्षं प्राकटयत्, किन्तु सः अवदत् यत् छात्राणां प्रश्नानाम् उत्तराणि प्रापणीयानि एव।
गान्धी-महोदयेन भौमवासरे सामाजिक-माध्यमे ‘एक्स’ (X) इत्यस्मिन् प्रोक्तं यत् मुख्यमन्त्री हेमन्तसोरेनः झारखण्ड-सर्वकारश्च संवादस्य मार्गं स्वीकृतवन्तौ समाधानं च अन्वेषितवन्तौ। छात्रैः संयमः रक्षितः स्व-पक्षश्च मान्यीकारितः।
तेन प्रोक्तं यत् अयमेव समीचीनः मार्गः— यदि छात्राः प्रश्नान् पृच्छन्ति, तर्हि उत्तरं लभ्येत एव। अहं प्रत्येक-छात्रेण सह तिष्ठामि तथा च एतत् संग्रहण-तन्त्रं (अवैध-धन-सङ्ग्रह-प्रणालीं) समूलं परिवर्तयिष्यामः, येन सर्वे छात्राः स्व-परिश्रमस्य पूर्णं फलं निष्पक्ष-स्पर्धायाः अधिकारं च प्राप्नुयुः। तेन अधिकम् उक्तं यत् समग्रे देशे एषा व्यवस्था परिवर्तिष्यते तथा च तादृशी व्यवस्था स्थापयिष्यते या छात्रान् अग्रे नयेत्, न तु पश्चात् आकर्षेत्।
