MANIMAHESH YATRA 2026 – मणिमहेश-यात्रायै ‘ऑनलाइन’-पञ्जीकरणम् ५ अगस्त-दिनाङ्कात्, प्रतिदिवसं ५,००० भक्तजनाः प्राप्स्यन्ति अनुमतिम्
हिमसंस्कृतवार्ता: — चम्बा ।
पवित्र-मणिमहेश-यात्रायै ‘ऑनलाइन’-पञ्जीकरणम् ५ अगस्त-दिनाङ्कात् प्रारभ्यते। भक्तजनाः यात्राया: कृते स्वकीयम् पञ्जीकरणम् आधिकारिक-जालपुटम् https://manimaheshyatra.hp.gov.in इत्यस्य माध्यमेन कर्तुम् शक्ष्यन्ति। प्रथम-चरणे २५, २६ तथा च २७ अगस्त-दिनाङ्कस्य यात्रायै ‘ऑनलाइन’-पञ्जीकरणम् उपलब्धं कारयिष्यते। प्रतिदिवसमधिकतमं ५,००० भक्तजनेभ्यः एव यात्रायाः अनुमतिः प्रदास्यते। सर्वे ‘स्लॉट’-स्थानानि ‘प्रथमम् आगच्छतु प्रथमं प्राप्नोतु’ (First Come First Serve) इत्यस्य आधारेण आवण्टितानि भविष्यन्ति। भरमौर-प्रशासनेन स्पष्टीकृतं यत् पञ्जीकरणम् विना कस्मै अपि भक्तजनाय यात्रा-मार्गे प्रवेशस्य अनुमतिः न दास्यते। अतः भक्तजनानाम् कृते आग्रहः कृतः यत् पञ्जीकरणस्य प्रारम्भः भवत्येव शीघ्रम् स्वकीयम् ‘स्लॉट’-स्थानम् सुरक्षितम् कुर्वन्तु।
भक्तजनानाम् कृते परामर्शः दत्तः यत् ते पञ्जीकरण-प्रारम्भात् पूर्वम् सर्वान् आवश्यकान् अभिलेखान् सज्जीकृत्य स्थापयन्तु, येन ‘ऑनलाइन’-प्रक्रिया-काले कस्यापि प्रकारस्य असुविधायाः सम्मुखीकरणं न करणीयं भवेत्। नवीनतमायै प्रामाणिकायै च सूचनायै नियमेन वेबसाइट-अवलोकनम् कुर्वन्तु। प्रशासनेन सर्वेभ्यः भक्तजनेभ्यः प्रार्थना कृता यत् ते यात्रा-काले प्रसारितानाम् सर्वेषाम् दिशा-निर्देशानाम् पालनम् कुर्वन्तु, केवलम् आधिकारिक-स्रोतोभ्यः प्राप्तासु सूचनासु एव विश्वासम् कुर्वन्तु। ए.डी.एम्. विकासशर्मा ज्ञापितवान् यत् भक्तजनानाम् कृते सुरक्षिताम्, सुगमाम् दिव्याम् च अनुभूतिम् रचयितुम् सर्वाः आवश्यकाः व्यवस्थाः निश्चिताः कर्तुम् निरन्तरम् कार्यम् क्रियमाणम् अस्ति।
‘जालपुटे’ लप्स्यते भरमौरस्य सटीकम् ऋतु-पूर्वानुमानम्
मणिमहेश-यात्रायाम् देश-विदेशेभ्यः आगच्छताम् भक्तजनानाम् सुरक्षायाः सुविधायाः च उद्देशेन भारतीय-ऋतु-विज्ञान-विभागेन भरमौर-क्षेत्राय विशेषम् ऋतु-पूर्वानुमानम् उपलब्धम् कारितम्। आई.एम.डी.-संस्थया विशेष-ऋतु-पूर्वानुमान-सम्पर्कः (Link) मणिमहेश-यात्रायाः आधिकारिक-वेबसाइट https://manimaheshyatra.hp.gov.in इत्यत्र उपलब्धः कारितः। अनेन भक्तजनाः यात्रा-पञ्जीकरणात् यात्रा-प्रारम्भात् च पूर्वम् भरमौर-क्षेत्रस्य ऋतोः नवीनतमां सूचनाम् प्राप्य स्वकीयायाः यात्रायाः श्रेष्ठाम् योजनाम् रचयितुम् शक्ष्यन्ति। भक्तजनेभ्यः भरमौर-क्षेत्रस्य ऋतु-सम्बन्धिनी सूचना समये प्राप्स्यते, येन ते ऋतु-परिस्थतीनाम् अनुरूपम् सुरक्षिताम् व्यवस्थिताम् च यात्राम् कर्तुम् शक्ष्यन्ति। प्रशासनेन भक्तजनेभ्यः प्रार्थना कृता यत् यात्रा-प्रारम्भात् पूर्वम् ऋतोः सूचनाम् अवश्यमेव प्राप्नुवन्तु।
