धर्मशाला-छात्रा-मृत्युप्रकरणम् – अन्वेषणे जातिगत-आलोचनायाः ‘रैगिंग’ इत्यस्य च किमपि प्रमाणं न प्राप्तम्; यौनशोषणस्य कोणात् अन्वेषणं प्रचलति
हिमसंस्कृतवार्ता:- शिमला।
धर्मशाला- राजकीयमहाविद्यालयस्य छात्रायाः संदिग्धमृत्युविषये उच्चशिक्षा- निदेशकः डॉ. अमरजीतकुमारशर्मा शिक्षासचिवाय राकेश कँवरमहोदाय विभागीय- अन्वेषण- प्रतिवेदनं (Inquiry Report) समर्पितवान्। अतिरिक्त- निदेशकस्य अध्यक्षतायां सङ्घटितेन अन्वेषणदलेन महाविद्यालयस्तरे जातिगत-टिप्पण्याः अथवा ‘रैगिंग’ इत्यस्य किमपि ठोस-प्रमाणं न प्राप्तम्। परन्तु यौनशोषणस्य कोणात् अद्यापि सूक्ष्म- अन्वेषणं प्रचलति। छात्रायाः चिकित्सा- प्रतिवेदनस्य (Medical Report), शवपरीक्षणस्य (Post-mortem) निष्कर्षानन्तरं अस्य पक्षस्य स्पष्टता भविष्यति।
उच्चशिक्षा- निदेशालयेन प्रेषितेन पञ्चसदस्यीय- समित्या महाविद्यालये शिक्षकाणां, छात्राणां, प्रशासनिक- कर्मचारिणां च पृथक्-पृथक् साक्षात्कारः कृतः। समित्या उपस्थिति-पञ्जिका, आन्तरिक- उपालम्भ- तन्त्रं (Internal Complaint Committee) तथा पूर्वतन- उपालम्भानाम् अपि गहनतया निरीक्षणं कृतम्।
समित्याः सङ्घटनम् आरोपिणः स्थितिः च
अतिरिक्त- निदेशकस्य डॉ. हरीशकुमारस्य अध्यक्षतायां सङ्घटितायां समित्यां ढलियारा- महाविद्यालयस्य प्राचार्या डॉ. अञ्जू आर. चौहान, बैजनाथस्य प्राचार्यः डॉ. प्रदीपकुमारकौण्डलः तथा च नौरा-महाविद्यालयस्य प्राचार्यः डॉ. राजेशकुमारः सदस्याः आसन्। शिक्षा-निदेशकः अवदत् यत् आरोपी ‘असिस्टेंट प्रोफेसर’ अशोककुमारः सम्प्रति निलम्बितः (Suspended) अस्ति, सः अनुमतिं विना शिमला-नगरात् बहिः गन्तुं न शक्नोति।
किं वर्तते प्रकरणम्?
हिमाचलप्रदेशस्य धर्मशाला-स्थितस्य राजकीय- महाविद्यालयस्य एका १९ वर्षीया दलितछात्रा २६ दिसम्बर २०२५ दिनाङ्के लुधियानानगरे चिकित्सालयं प्रति नीता, यत्र उपचारकाले तस्याः मृत्युः अभवत्। मृत्योः पूर्वं सा दीर्घकालात् मानसिक-तनावप्रस्तता (Depression) आसीत्।
परिजनानाम् आरोपाः-
परिजनानाम् आरोपा: सन्ति यत् १८ सितम्बर २०२५ दिनाङ्के तिस्रः वरिष्ठछात्राः तां ताडितवत्यः, धमक्यः च दत्तवत्यः। भूगोल-विभागस्य सहायक- आचार्यस्य उपरि अश्लील-चेष्टाणां, अशुद्धस्पर्शाणां च आरोपाः सन्ति। मृत्योः पूर्वं छात्रायाः एकं ‘वीडियो’ (Video) प्रसारितं जातं, यस्मिन् सा आचार्यस्य ‘अजीब-चेष्टाणां’ उत्पीडनस्य च व्यथां प्रकटितवती।
