Himsanskritnews Headlines : विद्यालयीय- छात्रेभ्य: प्रार्थनासभायां वक्तुं प्रमुखा: संस्कृतवार्ता:
राष्ट्रीयवार्ता:
- अमेरिका- देशस्य पूर्वराष्ट्रपतिः डोनाल्ड-ट्रम्पः गोलिकाभिः आहतः। अस्मिन् आक्रमणे ट्रम्पः घातितः अस्ति, तथापि तस्य स्थितिः सुष्ठु: अस्ति। अस्मिन् आक्रमणे देशस्य प्रधानमन्त्री नरेन्द्रमोदी प्रतिक्रियाम् अददात्। अवदत् यत् मम मित्रस्य पूर्वराष्ट्रपतेः डोनाल्ड-ट्रम्पस्य उपरि आक्रमणस्य विषये अहम् अत्यन्त: चिन्तितः अस्मि। अहं घटनायाः दृढतया निन्दां करोमि। राजनीती लोकतन्त्रे च हिंसायाः स्थानम् नास्ति।
- लोकसभायां काङ्ग्रेसेन नूतनदलस्य घोषणा कृता। अधुना गौरवगोगोई लोकसभायां काङ्ग्रेसस्य उपनेता अस्ति। राहुलगान्धी लोकसभायां काङ्ग्रेसपक्षस्य नेता अस्ति। विदितं स्यात् यत् गौरवगोगोई गतलोकसभायामपि काङ्ग्रेसपक्षस्य उपनेता आसीत्। एतदतिरिक्तं के. सुरेशं मुख्यसचेतक:, मणिकम-टैगोरं, मोहम्मदजावेदं च सचेतकौ नियुक्तौ।
- मध्य-प्रदेशस्य इन्दौर जनपदे केन्द्रीय-गृह-मन्त्रिणा अमित शाहेन प्रदेशस्य सर्वेष्वपि पञ्चपञ्चाशत्-जनपदेषु प्रधानमन्त्री-उत्कृष्ट-महाविद्यालयानाम् शुभारम्भो विहितः ।
- ओडिशायाः पुरी-क्षेत्रस्य भगवतः श्रीजगन्नाथ मन्दिरस्य रत्न-भण्डार इत्यस्य उद्घाटनं षट्चत्वारिंशत् वर्षानन्तरं पुनः जायते।
- टेनिस क्रीडायाः विम्बल्डनाख्ये संघर्षे विश्वस्य द्वितीयक्रमाड्ङ्कस्य क्रीडकः नोवाक्जोकोविचः गतसत्रस्य पुरुष एकलस्य विजेत्रा कार्लोस अल्कराज इत्यनेन सह शीर्षपुरस्काराय क्रीडिष्यति।
- यूरोपीय पादकन्दुकक्रीडायाः यूरो-कप इत्यस्याः स्पर्धायाः अन्तिमं चक्रम् अद्य रात्रौ बर्लिनक्षेत्रे भारतीयसमयानुसारं सार्थद्वादशवादने इंग्लैंड-स्पेनयोर्मध्ये क्रीडिष्यते।
हिमाचलवार्ता:
- मुख्यमन्त्री सुखविन्दरसिंहसुक्खु: बिलासपुरस्य औहरे नूतनस्य पर्यटनसङ्कुलस्य शिलान्यासः अकरोत्। ३३.७५ कोटिरूप्यकाणां व्ययेन निर्माणाधीने आधुनिकसुविधाभिः सुसज्जिते अस्मिन् परिसरे होटलखण्डः, खाद्य- परिसर:, मनोरञ्जनक्षेत्रं च समाविष्टं भविष्यति।
- मुख्यमन्त्री सुखविन्दरसिंहसुक्खुः बिलासपुरस्य औहरे उक्तवान् यत् भाजपायाः धनद्वारा सर्वकारस्य पातनार्थं कृताः प्रयासाः असफलाः अभवन्। भाजपायाः षड्यंत्रं सफलं न जातम्। सः अवदत् यत् भाजपा केवलं जनभ्रामणस्य कार्यम् अकरोत्। अधुना उपनिर्वाचनानन्तरं आचारसंहिता हृतमात्रेण राज्ये विकासकार्येषु कार्यं क्रियते, येन राज्यस्य जनाः लाभं प्राप्नुयुः।
- रविवासरे इन्दिरागान्धीराज्यक्रीडासङ्कुलस्य राज्यस्तरीय- कैडेट्जूडोप्रतियोगितायाः विजेतारः चलविजयोपहारै: सम्मानिताः। शिमलानगरस्य विधायक: हरीशजनार्था मुख्यातिथिरूपेण भागं स्वीकृतवान्। प्रतियोगितायां बिलासपुरमण्डलं समग्रस्पर्धाया: विजेता शिमलामण्डलं उपविजेता अभवत्। मुख्यातिथिः विजेतॄन् चलविजयौपहारै: सम्मानं कृतवान्।
- सुक्खुसर्वकारः निर्वाचनात् निवृत्ता अस्ति। अधुना सर्वकारस्य सम्पूर्णं ध्यानं विकासं प्रति भविष्यति परन्तु ततः पूर्वं अधिकारीणान संरचना परिवर्तयितव्या अस्ति।सूत्रानुसारं काङ्ग्रेसनेतृभिः निर्वाचनात् पूर्वं मुख्यमन्त्रिण: उपरि अधिकारीणां परिवर्तनविषये प्रभावः कृतः आसीत्। इदानीं सर्वं निश्चिन्तं कृत्वा सर्वकारः अपि सुदृढः अस्ति, अतः काङ्ग्रेसनेतृणां एतत् आग्रहं सर्वकारः अवश्यमेव पूरयिष्यति।
