KSDSU : संस्कृतविश्वविद्यालये विज्ञानप्रदर्शनी उद्घाटिता, विवरणं श्रुत्वा अतिथयः विस्मिताः अभवन्
हिमसंस्कृतवार्ताः दरभङ्गा राघवनाथझा।
आवासीयसंस्कृत-प्रशिक्षणवर्गे बुधवासरे संस्कृत-विज्ञान-प्रदर्शनी आयोजिता। अपराह्ने त्रिसमये प्रशिक्षण-हालमध्ये नगरस्य प्रसिद्धचिकित्सकः डॉ.मृदुलकुमारशुक्लः, विश्वविद्यालयपरिसरे स्टेट-बैंक-शाखाप्रबन्धकः प्रवीणचन्द्रझः च संयुक्तरूपेण सूत्रं छित्वा प्रदर्शनीमिमां उद्घाटितवन्तौ।
उक्तविवरणं प्रदाय पीआरओ निशिकान्तः उक्तवान् यत् प्रदर्शनीमध्ये संस्कृत-ग्रन्थेषु शास्त्रेषु च वर्णितानि दृष्टान्तानि आधुनिकविज्ञानः कथं स्वीकृतवान्, तस्य सुन्दरं चित्रणं कृतम् अस्ति।
प्रदर्शन्याः अवलोकनं कुर्वन्तः चिकित्सकः डॉ.शुक्लः उक्तवान् यत् “संस्कृते विज्ञानस्य अद्भुतसमागमं दृष्ट्वा मनः प्रफुल्लितम् अभवत्”। प्रशिक्षणवर्गे उपस्थितानां छात्राणां संख्या एवं सम्पूर्णपरिसरस्य संस्कृतमय-पर्यावरणं दृष्ट्वा सः वर्गे सर्वसम्भवसहाय्यं करिष्यामीति आश्वासनं दत्तवान्। तस्य चिकित्सालये अनेकाः चिकित्सकाः सहकर्मिणः च प्रशिक्षणवर्गस्य प्रतिभागिनां स्वास्थ्यपरीक्षणे निरन्तरं यतमानाः सन्ति। शाखाप्रबन्धकः प्रवीणचन्द्रझः उक्तवान् यत् “विज्ञानप्रदर्शनीस्यायोजनं अस्मिन्नेव वर्गेण समाजाय सुखदं संदेशं दास्यति। आधुनिकतायाः धावने अस्या संस्कृतविज्ञानप्रदर्शनीस्य महती भूमिका अस्ति। युवानः अत्र आगत्यास्याः प्रदर्शनीमवलोकयितुं यतिष्यन्ते।”
तत्र, सीनेटसदस्यः अंजीतकुमारचौधरी विज्ञानप्रदर्शनीं संस्कृत-प्रशिक्षणवर्गं च संस्कृतविश्वविद्यालये शैक्षणिक-पर्यावरण-निर्माणाय अभूतपूर्वप्रयत्नं इति उक्तवान्। एवं डॉ.शिवकिशोररायः अपि विज्ञानप्रदर्शनीं, पुस्तकप्रदर्शनीं च प्रचलन्तं प्रशिक्षणकार्यं दृष्ट्वा इदं दरभङ्गायाः ऐतिहासिकं कार्यमिति उक्तवान्।
उद्घाटनसमारोहे डॉ.शिवलोचनझः, डॉ.दिनेशझः, डॉ.महानन्दठाकुरः, डॉ.घनश्याममिश्रः, डॉ.दयानाथझः, डॉ.त्रिलोकझः, डॉ.सुधीरकुमारझः, डॉ.विभाकरदूवे, प्रान्तमन्त्री डॉ.रमेशकुमारझः, सहमन्त्री डॉ.अभिषेकद्विवेदी, देव निरञ्जनदीक्षितः, मनीषकुमारः, राजकिशोरः, अमितकुमारझः, डॉ.वीरसनातनपूर्णेन्दुरायः, डॉ.छविलालः, डॉ.सुधीरकुमारः समेत अनेके उपस्थिताः आसन्।
