Lok Sabha Election 2024 : भाजपा-कांग्रेसयो: समुपयोगी-प्रत्याशिभि: सहितं १९ प्रत्याशीनां नामाङ्कनानि निरस्तानि
नामाङ्कननिवृत्तेः अनन्तरं निर्दलीयप्रत्याशिभ्य: निर्वाचनचिह्नानि प्रदास्यन्ते
हिमसंस्कृतवार्ता- कार्यालयीय: प्रतिनिधि:।
हिमाचले लोकसभा-विधानसभा उपनिर्वाचनयोः स्पर्धा अधिका रोमाञ्चकारी अभवत्। अनुक्रमाङ्कनप्रक्रियायां १९ अभ्यर्थिनः स्पर्धात: बहिः कृताः। ये स्पर्धां त्यक्तवन्तः तेषु भाजपा-काङ्ग्रेस-दलयोः अभ्यर्थिनः अपि सन्ति। परन्तु एतेषु अधिकांशः अभ्यर्थिनः समुपयोगी अभ्यर्थिनः इति नामाङ्कनं कृतवन्तः आसन्। बुधवासरे क्रमाङ्कनप्रक्रियायां तेषां नामाङ्कने दोषाः ज्ञाताः इति कारणेन तेषां नामाङ्कनं निरस्तीकृतम्। लोकसभानिर्वाचने अधिकतमं ११ नामाङ्कनानि निरस्तानि सन्ति। यत्र विधानसभा उपनिर्वाचने कृतानि अष्टनामाङ्कनानि निरस्तीकृतानि सन्ति। उल्लेखनीयं यत् लोकसभानिर्वाचनार्थं ५१ अभ्यर्थिनः नामाङ्कनं कृतवन्तः आसन्। एतेषु अष्टौ नामाङ्कनानि प्रवेशितानि यत्र द्वयोः राजनैतिकदलयोः चत्वारः अभ्यर्थिनः तेषां समुपयोगी अभ्यर्थिरूपेण नामांकनं कृतवन्त: आसन्। नामाङ्कनानां क्रमणं कृत्वा अधुना लोकसभायाः स्पर्धायां ४० अभ्यर्थिनः अवशिष्टाः सन्ति।
एतेषां सर्वेषां नामानि अधुना मई १७ दिनाङ्के भवितुं शक्नुवन्तः नामाङ्कनानां निवृत्त्यर्थं प्रस्तावितानि सन्ति। निर्वाचनविभागेन नामाङ्कननिवृत्त्यर्थं द्वौ दिवसौ निर्धारितौ। एतेषु गुरुवासरे शुक्रवासरे च नामाङ्कनं प्रत्यागमिष्यते शुक्रवासरे च निर्वाचनचिह्नानि आवंटितानि भविष्यन्ति। एतेन सह राज्ये ३० मई-पर्यन्तं प्रचार- अभियानम् अपि आरभ्यते। अपरपक्षे विधानसभा- उपनिर्वाचने अष्टौ नामाङ्कनानि निरस्तीकृतानि सन्ति। षट् आसनेषु आयोजितस्य उपनिर्वाचनस्य कृते ३३ अभ्यर्थिनः नामाङ्कनं कृतवन्तः आसन्। अधुना स्पर्धायां केवलं २५ अभ्यर्थिनः एव अवशिष्टाः सन्ति। विधानसभा उपनिर्वाचनस्य आगामिप्रक्रिया अपि मई १७ दिनाङ्के सम्पन्ना भविष्यति। अस्मिन् काले निर्वाचनचिह्नानि स्वतन्त्रप्रत्याशिभ्यः आबंटितानि भविष्यन्ति।
शिमलायां रीनाकश्यप इत्यस्या: नामाङ्कनं निरस्तम्
शिमलासंसदीयासने विधायक रीनाकश्यप इत्यस्या: नामांकनं निरस्तं जातम्। रीनाकश्यप सुरेशकश्यपस्य समुपयोगी अभ्यर्थीरूपेण नामाङ्कनं कृतवती आसीत्। शिमलानगरे अष्टौ अभ्यर्थिनः नामाङ्कनं कृतवन्तः आसन्। एतेषु सप्तजनानाम् नामाङ्कनं सम्यक् ज्ञातम् अस्ति। येषु नामांकनेषु सम्यक् ज्ञातम् अस्ति, तेषु काङ्ग्रेस-प्रत्याशी विनोदसुल्तानपुरी, भाजपा- सुरेशकश्यपः, अखिल- भारतीय- परिवारपक्षस्य मदनलालः, जनता-काङ्ग्रेसस्य राबर्टकुमारः, राष्ट्रीयदेवभूमि-पक्षस्य सुरेशकुमारः, निर्दलीय- प्रत्याशी कुंदनलाल-कश्यपः च स्पर्धायान अवशिष्टाः सन्ति। मईमासस्य १७ दिनाङ्कात् परम् अत्र स्थितिः सर्वथा स्पष्टा भविष्यति।
