चिकित्सां प्राप्तुं देशे अतीव महत् व्ययः भवति। एतादृशे सति केन्द्रसर्वकारेण सामान्यजनेभ्यः सौविध्यं दातुं निर्णयः कृतः। एनपीपीए अर्थात् राष्ट्रिय औषधमूल्यनिर्धारणप्राधिकरणेन ६९ नवीनसूत्राणां खुदरामूल्यं ३१ औषधीनां सीमामूल्यं च निर्धारितं, तदनन्तरं कोलेस्टेरोल्, शर्करा, वेदना, ज्वरः, संक्रमणं, अत्यधिकं रक्तस्रावः, कैल्शियमः, विटामिन डी ३, बालप्रतिजीवकौषधीनां च सहितं १०० औषधीनां मूल्यं न्यूनीकर्तुं मार्ग: अन्वेषितः।औषधानां मूल्यं न्यूनं भविष्यति स्वास्थ्यसेवायां जनानां व्ययः च न्यूनीभवति।
कः नूतनः निर्णयः यः उपशमं दास्यति ?
एनपीपीए इण्डिया इत्यनेन अस्मिन् विषये अधिसूचना अपि प्रसारिता। भारतसर्वकारस्य रसायन-उर्वरकमन्त्रालयस्य अन्तर्गत औषधविभागस्य एनपीपीए इत्यनेन एषा अधिसूचना प्रसारिता।
केषाम् औषधानां मूल्यं न्यूनं भविष्यन्ति
कोलेस्टेरोल्, शर्करा (मधुमेह), वेदना, ज्वरः, संक्रमणं, अत्यधिकं रक्तस्रावं स्थगयितुं, कैल्शियमं, विटामिन डी, बालप्रतिजीवकौषधम् इत्यादीनि विषप्रतिकारकौषधानि अपि न्यूनमूल्यकानि भविष्यन्ति। सर्पदंशस्य चिकित्सायां एंटीवेनोमस्य उपयोगः भवति । बालस्वास्थ्यसेवासु सर्वकारस्य ध्यानं बालकानां कृते अल्पमूल्यस्य प्रतिजीवकौषधीनाम् उपलब्धतायाः आधारेण द्रष्टुं शक्यते।
