तीर्थानां परिचयेन मानवजीवन: समुज्वलं भवति – पण्डितः भास्करशर्मा

तीर्थानां परिचयेन मानवजीवन: समुज्वलं भवति – पण्डितः भास्करशर्मा
भारतराष्ट्र: देवतानां जन्मभूमि: भवति। देवानां जन्म, लीलादिकं यस्मिन् प्रदेशे भवति तत् क्षेत्रं तीर्थक्षेत्रमित्युच्यते। तत्र मनुष्य: स्नानदानजपध्यानादिकमाचर्य पूर्वजन्म कृतपापात् मुक्तिर्लभते। तीर्थानां परिचय: मानवजीवनस्य अङ्गं भवति। अनेन मनुष्य: स्व जीवनं प्रकाशमार्गे नेतुं प्रोत्साहित: भवति। तेन क्रमेण अद्य जम्मू कश्मीर राज्यस्य कठुआ जनपदे विश्वस्थलीनगरे प्रतिष्ठित चूड़ामणि संस्कृत संस्थानमिति पारम्परिकगुरुकुले भगवत: वद्रीनारयणक्षेत्रात् तीर्थपुरोहित: पण्डित: श्रीमान् भास्कर शर्मा महोदया: समागत्य समस्तान् वटुकान् तीर्थक्षेत्राणां महत्वविषये परिचयं कारितवन्त: । गुरुकुलस्य प्रचार्यप्रवराणां श्रीमतां डॉ सौम्य रञ्जन महापात्रमहोदयानां तत्वावधानेन आयोजिते कार्यक्रमे असौ आचार्य: शर्मा महोदय: तुषारार्दिते अंचले षण्मासपर्यन्तं मानवै पूजित: भगवत: वद्रिविशालस्य माहात्यं, क्षेत्रस्य पौराणिकिगाथा तथा भारतीय संस्कृतिपरंपरायां तीर्थानां वैशिष्ट्यविषये वटुकान् सूक्ष्मतया समवोधयत्। अस्मिन् कार्यक्रमे केन्द्रीय खनन एवं ईन्धन अनुसंधान संस्थानस्य मुख्यवैज्ञानिकचरा: आचार्या: डॉ. वीरेन्द्रकुमारसिंहमहोदया:, संस्थानस्य प्रबन्धक: महेन्द्रपाल उपाध्याय:, आचार्य: अनमोल उपाध्याय:,आचार्य: सुरज शर्मा, आचार्य: साहिल शर्मा एवं संस्थानस्य कर्मकर्तृणां साकं सर्वे विद्यार्थिन: समुपस्थिता: आसन्।