लोकनिर्माणविभागेन केन्द्रसर्वकारात् मार्गाणां पुनर्स्थापनाय प्राप्तानि ७२ कोटिरूप्यकाणि – विक्रमादित्यसिंह:
हिमसंस्कृतवार्ता- शिमला।
हिमाचलप्रदेशस्य लोकनिर्माणविभागेन पीडब्ल्यूडी इत्यनेन केन्द्रात् ७२ कोटिरूप्यकाणां सहायता प्राप्ता अस्ति। एतेन साहाय्येन वर्षाकाले क्षतिग्रस्तमार्गाणां पुनर्स्थापनं भविष्यति। लोकनिर्माणमन्त्री विक्रमादित्यसिंहः अवदत् यत् राज्ये गतवर्षार्तौ प्रचण्डवृष्ट्या क्षतिग्रस्तमार्गाणां पुनर्स्थापनार्थं राष्ट्रिय आपदाप्रतिक्रियाकोषस्य अन्तर्गतं ७२ कोटिरूप्यकाणां राशिः विमोचिता अस्ति। सः अवदत् यत् एषा राशिः राज्यस्य विभिन्नेषु क्षेत्रेषु क्षतिग्रस्तमार्गाणां पुनर्स्थापनार्थं व्ययिता भविष्यति तथा च अस्य अन्तर्गतं प्रत्येकं विधानसभाक्षेत्रस्य कृते एककोटिरूप्यकाणां प्रावधानं कृतम् अस्ति। सः अवदत् यत् वर्तमानवित्तवर्षे एनडीआरएफ-एसडीआरएफ-अन्तर्गतं एतावता अस्मिन् आपदि क्षतिग्रस्तमार्गाणां उन्नयनाय, पुनर्स्थापनार्थं च लोकनिर्माणविभागस्य विभिन्नविभागेभ्यः २५९ कोटिरूप्यकाणां धनं मुक्तं कृतम् अस्ति।
विक्रमादित्यसिंहः अवदत् यत् आपदाकाले क्षतिग्रस्ताः मुख्यमार्गाः अभिलेखसमये एव पुनर्स्थापिताः। विशेषतः विभागेन प्राथमिकतानुसारं सेबप्रधानक्षेत्रेषु मार्गाणां पुनर्स्थापनं कृतम्, येन सेब उत्पादकानां उत्पादनं विपणीं प्रति प्राप्तुं सुविधा अभवत् सः अवदत् यत् राज्ये मार्गसंरचनानां विकासाय, मार्गानाम् अनुरक्षणाय च विभागः परिश्रमेण कार्यं कुर्वन् अस्ति। मन्त्री विक्रमादित्यसिंहः अवदत् यत् राष्ट्रिय आपदाप्रतिक्रियाकोषस्य अन्तर्गतं विमोचिता राशिः एनडीआरएफ तथा एसडीआरएफ इत्यत्र २५९ कोटिरूप्यकाणि प्राप्तानि सन्ति।, प्रत्येकं विधानसभाक्षेत्राय एककोटिरूप्यकाणां प्रावधानम् वर्तते।
