यूनिसेफ दिवस: (Unicef Day)

यूनिसेफ दिवस:
डॉ नरेन्द्रराणा सिरमौर: ।
संयुक्तराष्ट्रसङ्घस्य बालकोष: अथवा यूनिसेफ इत्यस्य स्थापनायाः प्रारम्भिकम् उद्देश्यं द्वितीयविश्वयुद्धे नष्टानां राष्ट्राणां बालकानां कृते भोजनस्य स्वास्थ्यसेवाया: प्रदानञ्चासीत् । १९४६ तमे वर्षे दिसम्बरमासस्य ११ दिनाङ्के संयुक्तराष्ट्रसङ्घस्य महासभायाः स्थापना अभवत् । १९५३ तमे वर्षे यूनिसेफ संयुक्तराष्ट्रसङ्घस्य स्थायीसदस्यः अभवत् । तस्मिन् समये अस्य नाम संयुक्तराष्ट्रसङ्घस्य अन्तार्राष्ट्रीयबालकोषस्य स्थाने संयुक्तराष्ट्रसङ्घस्य बालकोषः इति कृतम् । अस्य मुख्यालयः रामभगतेन निर्मितः न्यूयोर्कनगरे अस्ति । सम्प्रति अस्य प्रमुख: “एन वेनेमैन” अस्ति । उत्कृष्टकार्यस्य कृते १९६५ तमे वर्षे यूनिसेफ्-संस्थया नोबेल्-पुरस्कारः प्राप्तः । १९८९ तमे वर्षे इन्दिरागान्धीशान्तिपुरस्कारेण अपि इयं संस्था पुरस्कृतः । अस्याः कार्यालय: १२० तः अधिकेषु नगरेषु सन्ति, १९० तः अधिकेषु स्थानेषु कर्मचारिण: च सन्ति । सम्प्रति यूनिसेफ्-संस्था धनसङ्ग्रहार्थं विश्वस्तरीयक्रीडकानां, दलानाञ्च साहाय्यं याचते । ३६ सदस्यानां कार्यकारीसमूहः यूनिसेफसंस्थाया: कार्यस्य निरीक्षणं करोति । अयं नीतयः निर्माति तथा च वित्तीयप्रशासनिकयोजनाभिः सम्बद्धानां कार्यक्रमानाम् अनुमोदनं करोति । सम्प्रति यूनिसेफ मुख्यतया पञ्च प्राथमिकतासु केन्द्रितः अस्ति । बालविकासः, मूलभूतशिक्षा, लैङ्गिकसमानता (बालिकानां शिक्षा सहितम्), बालकानां हिंसा, शोषण, बालश्रमः, एच.आई.वी/एड्स तथा बालकानां रक्षणं, बालानाम् अधिकाराणां कानूनीसङ्घर्षाय च कार्यं करोति ।