कुड़ियाँ चिड़ियाँ
कुड़ियाँ चिड़ियाँ दी इक जिंदड़ी
मार उडारी एह उड़ी जाँदियाँ।
घरे बगाने दा लाणा ऐ लोको
सोहरियाँ दा टपरु बसाई दिंदियाँ
बैठी चिड़िया अंगणे च आई
चोगा चुगी के उड़ी जांदी।
फिरी बही जांदी डालियाँ ऊपर
जगह दिखी घोंसला बनाई लैंदी।।
बुरा जमाना आई गिया लोको
प्यार नी करना कुसी कने।
लव जिहाद है आई गिया लोको
रेहणा इस ते बची कने।।
कुण वो गलाए कुण समझाए
कुण इन्हाँ भूलेंयाँ जो रस्ते पाए।
कुण है जेहड़ा इन्हाँ बच्चेयाँ जो
प्यारे दा सही मतलब समझाए।।
जिंदड़िया दे भले बुरे दा
फैसला लैणा सिखाई दिया।
कदी भरोसा कुसी दा नी करना
कुड़ियाँ जो एह समझाई दिया।।
श्रीमती सुरेश लता अवस्थी
