“उत्तरप्रदेशसंस्कृतसंस्थानस्य आनलाइनसंस्कृतभाषाशिक्षणकक्षा”

वार्ताहर:-नूतनविष्णुः रेग्मी (प्रकृतिसाधुः)
उत्तरप्रदेशसंस्कृतसंस्थानम्-लखनऊ-द्वारा २०२३ तमवर्षस्य दिसम्बरमासस्य चतुर्थे दिनाङ्के विंशतिदिवसाय( प्रतिदिनं एकघण्टात्मककालाय ) प्रथमस्तरीयसंस्कृतभाषाशिक्षणस्य एवं द्वितीयस्तरस्य च शुभारम्भ: आभासिकरूपेण (समुद्घाटनसमारोह:)बहुत्र संजात:।
एतस्मिन् एवं क्रमे राजस्थानराज्यस्य उदयपुरे प्रतापनगरतः अपि उत्तरप्रदेशसंस्कृतस्थानस्य भाषाप्रशिक्षक: नूतनविष्णु: रेग्मी गूगलमीट्माध्यमेन सायं ८ वादने द्वितीयस्तरीयसंस्कृतभाषाशिक्षणस्य कक्ष्यायाः शुभारम्भमकरोत्।यत्र बहव: पंजीकृतच्छात्रा: विभिन्नेभ्य: स्थानेभ्य: पठितुमागता:।तत्र देशत: एवं विदेशत : अपि ३५ संस्कृतानुरागिण: छात्राः समागतवन्त:। सर्वादौ मंगलमादाय नूतनविष्णु: रेग्मी (संस्कृतभाषाप्रशिक्षक:)संस्कृतकक्ष्याया: नियमान् अश्रावयत् ।केचन प्रशिक्षवः स्वपरिचयं उक्तवन्तः।कक्षागमनस्य कारणमपि ते उक्तवन्तः।
ततः सः प्रथमदिनस्य पाठं पीपीटी-माध्यमेन पाठितवान्।कक्ष्या प्रतिदिनं सायम् ८ वादनत: ९ वादनपर्यन्तं
चलिष्यतः। २६ दिसम्बर २०२३ पर्यन्तम् कक्षायाः अवधिः ।संस्कृतसंस्थाने प्रातः ८ वादनतः रात्रौ ९ वादनपर्यन्तं बह्व्यः कक्षाः सन्ति ।तासु संस्थानस्य बहवः प्रशिक्षकाः पाठयन्ति । कार्यक्रमे संस्थानस्य कार्यकारि-अध्यक्षः जितेन्द्रकुमारः, निदेशकः विनयश्रीवास्तवः,अधिकारिणौ जगदानन्दझा एवं चन्द्रकलाशाक्या,प्रशिक्षणप्रमुखः सुधीष्टकुमारमिश्रः, प्रशिक्षणसमन्वयकाः धीरजमैठाणी,राधाशर्मा दिव्यरंजनश्चोपस्थिताः आसन्।अन्ते परीक्षा अपि भविष्यति । उत्तीर्णवद्भ्य: प्रमाणपत्राणाम् वितरणस्य व्यवस्थापि संस्थानेन कृता अस्ति।उत्तरप्रदेशसंस्कृतसंस्थानेन संचालितकक्ष्याभि: एतावता बहव: उपकृता:।विशेषतः ये विद्यालयादिषु TGT/PGT इत्यनयोः कृते सज्जतां कुर्वन्ति तेऽप्यत्र पठितुमागच्छन्ति।एतया योजनया अग्रेऽपि जनाः उपकृताः भविष्यन्ति एव।शीघ्रमेव तृतीयस्तरस्यापि शुभारम्भ: भविष्यति । तस्य पाठ्यक्रमनिर्माणम् अपि जातम् अस्ति ।शीघ्रमेव तस्य आरम्भः अपि भविष्यति इति सम्भावना।
ये एतां नि:शुल्क-कक्षामागन्तुकामा: ते “sanskritsambhashan.com” इति लिंक् उद्घाट्य तत्र स्वानुकूलतया मासं (जनवरी )
२०२४ अनुकूलसमयं च चीत्वा स्वस्य नामांकनं कारयितुं शक्नुवन्ति।ये प्रथमस्तरं पठितवन्त: विशेषतः तेभ्य: अन्येभ्यश्च द्वितीयस्तरस्य प्रशिक्षणमपि संस्थानेन दीयते ।परीक्षायाम् ३३% उत्तीर्णवद्भ्य: शिक्षार्थिभ्य: ७५% उपस्थितेभ्यः प्रशिक्षुभ्यः प्रमाणपत्राणि अपि दूरवाणीसन्देशमाध्यमेन प्रेषणव्यवस्था अस्ति। केभ्यश्चित् मासेभ्यः उत्तरप्रदेशसंस्कृत संस्थानं “गृहे गृहे संस्कृतम् “इति योजनायाः समारम्भं कृत्वा संस्कृतस्य प्रचारे प्रसारे च विशिष्टं योगदानं कुर्वत् अस्ति । ये द्वितीयस्तराय स्वस्य नि:शुल्कं नामांकनं कर्तुमिच्छन्ति तेभ्य: नामांकनलिंक् “https://sanskritsambhashan.com/second_level_reg.php“इत्यस्ति।उद्घाटनसत्रस्य अन्ते नूतनविष्णुः शान्तिमन्त्रेण सत्रस्य समापनमकरोत्।